ՆԱՐԵԿ ՀԱԽՆԱԶԱՐԵԱՆ` ՄՐՑԱՆԱԿԱԿԻՐ

Մոսկուայի մէջ, երիտասարդ թաւջութակահար Նարեկ Հախնազարեան տիրացաւ ռուս աշխարհահռչակ յօրինող Փիթըր Չայքովսքիի անուան միջազգային երաժշտական մրցանքին։ Հախնազարեան իբրեւ պարգեւ պիտի ստանայ քսան հազար եուրօ:

Այդ դասակարգին մէջ աւարտական հանգրուան անցած էին հինգ երկիրներու`  Ֆրանսայի, Իտալիոյ, Գերմանիոյ, Պիելոռուսիոյ եւ Հայաստանի ներկայացուցիչները: Երկրորդ եւ երրորդ հանդիսացան Ֆրանսայի եւ Պիելոռուսիոյ ներկայացուցիչները: