ՇԻՔԱԿՈՅԻ ՄԷՋ.- ՆԱՀԱՏԱԿ 13 ԳՐՈՂՆԵՐՈՒ ԳՈՐԾԵՐՈՒՆ ՆՈՒԻՐՈՒԱԾ ԳԻՐՔԻ ՆԵՐԿԱՅԱՑՈՒՄ

0 0
Read Time:2 Minute, 10 Second

p13 chicago Maral Aprahamian, Sona Birazian, Houri Papazian, Alex Boyajian, Dr. Herand Markarian, Greg Boyajian, Khachuig Dakarian, and Meghedi Tamazian
Թղթակից
Մարտ 7-ին, Կլենվիուի (Իլինոյ) Հայ Կեդրոնի «Շահնազարեան» սրահէն ներս տեղի ունեցաւ, Դոկտ. Հրանդ Մարգարեանի պատրաստած «The Martyred Armenian Writers 1915-1922» գիրքին ներկայացումը: Հայոց Ցեղասպանութեան 100-ամեակին առթիւ, Շիքակոյի «Համազգային»ի կողմէ կազմակերպուած էր այս ձեռնարկը, որուն ընթացքին երիտասարդ քանի մը ընթերցողներ ներկայացուցին կարգ մը բաժիններ:
Օրուան հանդիսավարն էր Թալին Արթինեանը, որ բեմ հրաւիրեց Շիքակոյի «Համազգային»ի ատենապետ Ռիթա Առաքելեանը, ներկայացնելու բացման խօսքը: Ապա բեմ հրաւիրուեցաւ Դոկտ. Հրանդ Մարգարեանը, որուն մասին շնորհաւորական լսատեսողական պատրաստութիւն մը կատարած էր Հ.Հ. Սփիւռքի նախարար Հրանուշ Յակոբեանը: Ներկաները կրցան ըմբոշխնել այս շնորհաւորական պատրաստութիւնը:
Դոկտ. Հրանդ Մարգարեան շեշտեց թէ, այս գրողները իրենց գագաթի օրերուն մէջ կը գտնուէին ձերբակալուած եւ ապա սպաննուած: Ան ներկայացուց, իր գործին մէջ տեղ գրաւած 13 գրողները՝ Հրանդը (Մելքոն Կիւրճեան), Թլկատինցին (Յովհաննէս Յարութիւնեան), Գրիգոր Զօհրապը, Սմբատ Բիւրատը (Տէր Ղազարեանց), Երուխանը (Երուանդ Սրմաքէշխանլեան), Արտաշէս Յարութիւնեանը, Ռուբէն Զարդարեանը, Ինտրան (Տիրան Չրաքեան), Սիամանթօն (Ատոմ Եարճանեան), Գեղամ Բարսեղեանը, Դանիէլ Վարուժանը (Չուպուքեան), Տիգրան Չէօկիւրեանը եւ Ռուբէն Սեւակը (Չիլինկիրեան)։ Բոլորը 1915ի նահատակներ են, բացի Ինտրայէն` որ մահացած է 1921ին։
Այսպէս, լուրջ աշխատանք մը կատարած է Դոկտ. Հրանդ Մարգարեան, հայ գրականութեան միջազգայնացմնան գործին համար։ Ան ներկայացուց այս գործին ծննդոցն ու առաջադրանքները։ Ան շեշտեց թարգմանական գրականութեան անհրաժեշտութիւնը, աւելի ծանրանալով նոր ժամանակներուն հանրութեան մատչելիութեան կարեւորութիւնը փոխանցեց ներկաներուն։p13 chicago Meghedi Tamazian reads a work from Hrant, The Memorial Eighth Day
Ապա հանդիսավար Արթինեան բեմ հրաւիրեց եօթ երիտասարդներ՝ Մարալ Աբրահամեան, Սօնա Պիրազեան, Ալեքս Պոյաճեան, Կրէկ Պոյաճեան, Խաչիկ Տաքարեան, Հուրի Փափազեան եւ Մեղեդի Թահմազեան որոնք կատարեցին ընթերցումներ, որոնք սեուգի սեւ տարազներով աւելի տպաւորեցին, մանաւանդ երբ անոնց արտասանութեան եւ ընթերցման ժամանակ, Դոկտ. Հրանդ Մարգարեան սահիկներով նկարներ ցոյց կու տար: Վերջին ընթերցումը՝ «Ահա…Մենք Կու Գանք» կատարուեցաւ միասնաբար, որ մեծ յուզում յառաջացուց ներկաներուն մօտ: Այդ գեր-զգացական մթնոլորտը հասաւ իր գագաթին, երբ Դոկտ. Հրանդ Մարգարեան խոր զգացով արտասանեց Սիամանթոյի «Պար»ը:
Գիրքին սկիզբը ներկայացուցած է պատմական ակնարկ մը հայ ժողովուրդին ու անոր պատմութեան ու հայրենիքին` Հայաստանին մասին, ընդգրկելով` մեր ժողովուրդին լեզուին, գրականութեան, կրօնքին, մշակոյթի տարբեր մարզերուն եւ քաղաքական կեանքին կարգ մը երեսներուն մասին։ Հայեր Օսմանեան Թուրքիոյ բաժինով Հրանդ կ՚անդրադառնայ հայոց ի նպաստ եղած դաշնագիրներուն եւ Համիտեան կոտորածներուն մասին։ Նաեւ, ան քանի մը էջեր յատկացուցած է Ցեղասպանութեան ճանապարհին նահատակուած մեր գրողներուն տխուր պատմութեան։ Դոկտ. Մարգարեան կը յայտնէ թէ ակնարկ մը կատարուած է հայկական բանաստեղծութեան զարգացման սկսած հին դարերէն տալով որպէս նմոյշ դասական մեծ անուններու գործերէն քանի մը թարգմանական գործեր։
Դոկտ. Մարգարեան անգլերէն թարգմանութեամբ կը ծանօթացնէ նահատակ գրողները ոչ միայն անգլիախօս նորահաս սերունդին, այլեւ` գիրքը տարածելով հանրային գրադարաններու, համալսարաններու թէ դպրոցներու գրադարաններէն ներս` ամերիկացի ընթերցասէր ու գրասէր հասարակութեան։
Աւարտին, Դոկտ. Մարգարեան մակագրեց այս գիրքէն օրինակ, որոնք շուտով սպառեցան:
Հայ Գրականութեան նահատակուած գրողներու «The Martyred Armenian Writers 1915-1922» գիրքը կարելի է ստանալ հետեւեալ հասցէէն.-
Libra-6 productions, 160 Waters Edge
Congers, NY 10920.
Սակ՝ $20.00 առաւել առաքում՝ $5.00.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles