ՆԱ­ԽԱ­ԳԱՀ ՍԵՐԺ ՍԱՐԳՍ­ԵԱ­ՆԻ ԱՅ­ՑԵ­ԼՈՒ­ԹԻՒՆԸ` ՖՐԱՆ­ՍԱ

0 0
Read Time:1 Minute, 51 Second

 Հ.Հ. Նա­խա­գահ Սարգս­եան պաշ­տօ­նա­կան այ­ցե­լու­թեամբ, Կի­րա­կի, Նո­յեմ­բեր 11ին, ժա­մա­նեց Փա­րիզ: Հան­դի­պում­ներ կա­տար­ուե­ցան նա­խա­գահ Ֆրանս­ուա Հո­լան­տի, վար­չա­պետ Ժան-Մարք Էյ­րո­յի, Ազ­գա­յին Ժո­ղո­վի նա­խա­գահ Քլօտ Պար­թո­լո­նի, Ծե­րա­կոյ­տի նա­խա­գահ Ժան-Փի­էր Պէ­լի, Ազ­գա­յին Ժո­ղո­վի եւ Ծերակոյտի “Ֆրանսա – Հայաստան“ բարեկամութեան խումբերուն երեսփոխաններուն հետ:

Նախագահ Սարգսեան, նաեւ այցելեց Լիոն, ուր հանդիպում ունեցաւ քաղաքապետ, ծերակուտական Ժերար Քոլոնի հետ, իսկ այնուհետեւ Ֆրանսայի մեծագոյն արդիւնաբերական շրջաններէն մէկուն` Ռոն-Ալփի Առեւտրա-արդիւնաբերական պալատին մէջ հանդիպում ունեցաւ Ֆրանսայի գործարար համայնքի ներկայացուցիչներու հետ:

Նշենք թէ այս այցելութեան առթիւ, ազերի եւ թրքական սփիւռքի կազմակերպութիւնները Նոյեմբեր 12ին ցոյց մը կը կազմակերպեցին Հայաստանի Փարիզի դեսպանատան առջեւ` բողոքելու համար “Խոճալուի ցեղասպանութեան կազմակերպիչներէն եւ ատրպէյճանական հողերու գրաւման գլխաւոր դերակատարներէն մէկուն` Սերժ Սարգսեանի Ֆրանսա այցելութեան դէմ“: Ֆրանսայի այլ քաղաքներէն, յատկապէս` Սթրազպուրկէն եւ դրացի երկիրներէն` Պելճիքայէն, Գերմանիայէն, Հոլանտայէն ժամանած էին ցուցարարները:

Ֆրանսայի նախագահ Հոլանտ, հայաստանցի իր պաշտօնակիցին ի պատիւ կազմակերպած է ճաշի հաւաքոյթ մը, որուն ներկայ գտնուեցան ֆրանսահայ աշխարհահռչակ արուեստագէտ, Զուիցերիոյ մէջ Հայաստանի դեսպան Շարլ Ազնաւուր, Ֆրանսայի հայկական կազմակերպութիւններու խորհուրդի ղեկավարներ: Ֆրանսայի նախագահը այս հաւաքոյթին ընթացքին վերահաստատած է իր յանձնառութիւնը` Հայոց Ցեղասպանութեան ժխտումը քրէականացնող օրինագիծի ընդունման: Ան ընդգծեց, որ անհրաժեշտ է ապահովել իրաւական հիմքեր` Սահմանադրական խորհրուրդին մէջ օրինագիծի առկախումէն խուսափելու համար:
Երկու երկիրներու ղեկավարներուն միջեւ կայացած հանդիպումէն ետք լրագրողներուն հետ ունեցած զրոյցին ընթացքին նախագահ Հոլանտ յայտարարած է, որ իր երկիրը կ՛ուզէ  ընդարձակել Հայաստանի հետ մշակութային  յարաբերութեան շրջագիծը: “Մենք նաեւ կ՛ուզենք ամրապնդել տնտեսական փոխգործակցութեան մակարդակը“, յայտարարեց Ֆրանսայի նախագահը:
Իր կարգին Սերժ Սարգսեան հայ ժողովուրդին եւ անձամբ իր անունով շնորհաւորեց Ֆրանսուա Հոլանտը` Ֆրանսայի նախագահ ընտրուելուն առիթով: Հայաստանի նախագահը նաեւ շնորհակալութիւն յայտնած է իր պաշտօնակիցին եւ Ֆրանսայի բարեկամ ժողովուրդին` Հայոց Ցեղասպանութեան առնչութեամբ դրսեւորած իրենց կեցուածքին համար, որ շատ կարեւոր է հայ ժողովուրդին համար: “Ֆրանսայի նախագահն էր կանգնած Հայոց Ցեղասպանութեան ճանաչման եւ դրա ժխտումը քրէականացնող օրինագծի ակունքներում“, ըսաւ Սարգսեան:
Հայաստանի եւ Ֆրանսայի նախագահները նաեւ անդրադարձան Արցախեան հակամարտութեանն առնչուող հարցերու: Ֆրանսայի նախագահը վերահաստատեց Մինսքի խմբակի համանախագահներուն պատրաստակամութիւնը` բանակցութիւնները շարունակելու ուղղութեամբ: “Ֆրանսա ամէն բան պիտի ընէ, որպէսզի բանակցութիւնները վերսկսին: Լուծումը պէտք է հիմնուի Մատրիտեան սկզբունքներուն վրայ“,  շեշտեց Հոլանտ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles