Յասմիկ Թորոսեան՝ Ցիրք Եւ Տաղանդ

0 0
Read Time:56 Second

Թղթակից

Տեւողութեամբ կարճ էր երիտասարդ օփերայի երգչուհի Յասմիկ Թորոսեանի (սոփրանօ) ելոյթը, սակայն այնքա՜ն տպաւորիչ եւ ազդեցիկ, որ շատերուն համար պիտի մնայ անմոռանալի:
Անոր անդրանիկ ելոյթն էր Յունիս 3-ին, Պոսթընի հանրածանօթ «Սիմֆընի Հօլ» սրահին մէջ, տեղւոյն «Պոսթըն Փոփս»ի հետ, ղեկավարութեամբ մաէսթրօ Քիթ Լոքըրթի եւ կազմակերպութեամբ Հայ Մշակոյթի Բարեկամներու Հիմնարկին:
Դժուար եւ փորձառութիւն պարտադրող գործեր, որոնք ամենայն հմտութեամբ ներկայացուեցան այս ապագայ խոստացող աստղին կողմէ:
Իւրայատուկ ինքնավստահութեամբ ան ներկայացուց Կունոյի «Ռօմէօ է Ժիւլիէթ»ին «Ժը Վէօ Վիվր» յօրինումը, նաեւ Պերնշթայնի «Քանտիտ» օփերային «Կլիթըր էնտ Պի Կէյ» գործը եւ յատկապէս Մոցարթի հանրածանօթ «Տը Մաճիք Ֆլութ»ին մէկ դժուարագոյն գործը՝ «Տէր Հէօլը Ռախը»ն: Իսկ Բարսեղ Կանաչեանի «Օրօր»ը ոչ թէ միայն յուզում պատճառեց ներկայ հայորդիներուն, այլ նոյնիսկ ներկայ օտար հանրութեան:
Երեւան ծնած եւ աւարտած «Ռոմանոս Մելիքեան» եւ «Կոմիտաս» երաժշտանոցները, ան եղած Թորոսեան եղած է աշակերտը Գայանէ Գեղամեանի:
2011-էն ի վեր Թորոսեան անդամ է Հայաստանի «Ալեքսանտր Սպենդիարեան» օփերայի եւ պալէի ակադեմիային:
Յիշատակելի էր «Պոսթըն Փոփս»ի հայկական յատուկ երեկոն, որ 66-րդ անգամ ըլլալով կը կատարուէր: Թորոսեանի կողքին ելոյթ ունեցան նաեւ «Սիրք Տը Սօլէյ»ի արուեստագէտները, հմայելով ներկայ հանդիսատեսները: Անոնց յայտագրին մէջ կային նաեւ գործեր Արամ Խաչատուրեանէն:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles