ՅԱՅՏԱՐԱՐՈՒԹԻՒՆ

0 0
Read Time:1 Minute, 1 Second

Հայ Յեղափոխական Դաշնակցութեան Հիւսիսային Ամերիկայի Արեւելեան Շրջանը  յաւելեալ մանրամասնութիւններ փոխանցեց  Մայիս 2018-ին տեղի ունենալիք Հայաստանի Առաջին Հանրապետութեան հիմնադրութեան հարիւրամեակին նուիրուած գիտաժողովին մասին: Գիտաժողովը պիտի գումարուի Մայիս 11-12-ին Նիւ Եորքի Գոլոմպիա համալսարանին մէջ:

«Ուրախ ենք յայտարարելու մանրամասնութիւնները այս կարեւոր նախաձեռնութեան» ըսաւ գիտաժողովին ատենապետ Անդրանիկ Գասպարեանը:  «Գիտաժողովը պիտի սկսի Ուրբաթ, Մայիս 11-ի երեկոյեան լիակազմ ժողովով մը, նիւթ ունենալով  «Առաջին Հանրապետութիւնը՝ հարիւր տարի ետք»: Իսկ յաջորդ օրը, Շաբաթ Մայիս 12-ին, խմբային դրութեամբ տեղի պիտի ունենան զանազան նիստեր հայերէն եւ անգլերէն լեզուներով», աւելցուց  ան:

Գիտաժողովին պիտի քննարկուին հետեւեալ թեմաները.-

          -Հայաստանի Առաջին Հանրապետութիւնը՝ բաղդատական ակնոցով դիտուած

          -Մարտական բախումներ՝  Հայաստանի Առաջին Հանրապետութեան

          -Դէպքեր, դէմքեր եւ ապրումներ

          -Հայաստանն ու Հզօր Պետութիւններու հետ ունեցած փոխյարաբերութիւնները

          -Պայքար՝ Հայաստանի սահմանները ապահովելու համար

          -Հաշուեկշիո

Գիտաժողովը պիտի հովանաւորեն  Գոլոմպիա Համալսարանի Հայկական Ամպիոնը (Armenian Center at Columbia University) եւ Armenian Review պարբերաթերթը:

«Կը յուսանք այս գիտաժողովը գործօնի մը վերածել մեր համայնքը դաստիարակելու, Հայաստանի Առաջին Հանրապետութեան  դերը ցայտուն դարձնելու հայկական գերիշխնութեան յառաջացման գործին մէջ եւ արժանաւոր դասեր քաղելու յօգուտ մեր այսօրուան պետականութեան: Մենք պիտի մօտենանք մեր արծարծած հարցերուն քննադատական գնահատումով, մատնանշելու մեր յաջողութիւններն ու թերութիւնները», նշեց Գասպարեանը:

 

Հրաւէրներ ուղղուած են տարբեր մասնագիտութիւն ունեցող պատմաբաններու, գիտնականներու եւ մտաւորականներու: Այս գիտաժողովէն անկախ, տեղի պիտի ունենան նաեւ տարբեր տեսակի ձեռնարկներ որոնց մանրամասնութիւնները շուտով պիտի յայտարարուին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles