Յայտարարութիւն Հ.Յ.Դ. Բիւրոյի

0 0
Read Time:39 Second

Հայ Յեղափոխական Դաշնակցութեան Բիւրոն կը դատապարտէ Ատրպէյճանի կողմէ սանձազերծուած պատերազմը Արցախի շփման գիծի երկայնքով եւ խաղաղ բնակավայրերու վրայ։ Թուրքիան յայտարարած է իր անվերապահ աջակցութիւնը Ատրպէյճանին։

Հայ Յեղափոխական Դաշնակցութիւնը իր համահայկական ամբողջ հնարաւորութիւնը դրած է Հայաստանի եւ Արցախի Հանրապետութիւններու տրամադրութեան տակ՝ յատկապէս աջակցելով պաշտպանութեան բանակին եւ արտաքին ճակատի վրայ։

Պատերազմի ժամանակ թիկունքի ամրութիւնը պահելու համար կենսական է համահայկական ուժերու լարում, զգօնութիւն եւ երկրին մէջ կայունութեան պահպանում։

Կոչ կ՚ուղղենք միջազգային հանրութեան՝ դատապարտելու Ատրպէյճանի գործողութիւնները, որոնք յղի են ամբողջ տարածաշրջանը ապակայունացնելու վտանգներով։

Կոչ կ՚ուղղենք Թուրքիոյ՝ դադրեցնել հակամարտութեան իր մասնակցութիւնը եւ գոնէ մէկ անգամ ցուցաբերել տարածաշրջանին մէջ կառուցողական կեցուածք։

Պատերազմական գործողութիւններու շարունակութեան ամբողջ պատասխանատուութիւնը պիտի կրեն Ատրպէյճանն ու Թուրքիան։

Մենք կը ձեռնարկենք մեր հնարաւորութիւններուն համապատասխան անհրաժեշտ բոլոր քայլերը՝ դիմակայելու համար Ատրպէյճանի եւ Թուրքիոյ յարձակողական քաղաքականութեան։

Հ.Յ.Դ. ԲԻՒՐՕ
27 Սեպտեմբեր 2020

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles