0
0
ԵՐԵՒԱՆ.- Երեքշաբթի, Հոկտեմբեր 8-ին, նախագահ Սերժ Սարգսեան ընդունեց Հայաստանի մէջ Մեքսիքոյի նորանշանակ դեսպան Ռուպէն Ալպերթօ Կեռերոն, որուն յայտնեց, թէ Հայաստան իր կարգին ցանկութիւն ունի զարգացնել Մեքսիքայի հետ յարաբերութիւնները, որոնց համար հիմնական է Մեքսիքոյի մէջ Հայաստանի դեսպանութիւն հիմնելու մտադրութիւնը: Երկու երկիրներու յարաբերութիւններու ամրապնդման իմաստով զրուցակիցները մեծ դեր վերապահեցին նաեւ խորհրդարանական դիւանագիտութեան, ուր, ըստ անոնց, կատարելիք մեծ աշխատանք կայ:
Հանդիպումին մասնակիցները կարեւոր նկատեցին տարբեր մակարդակի պարբերական փոխայցելութիւններն ու աշխոյժ կապերը` երկկողմանի եւ բազմակողմանի ձեւաչափով: Երկկողմանի յարաբերութիւններու եւ հեռանկարային կարգ մը ոլորտներու մասին խօսելով` շեշտը դրուեցաւ երկու երկիրներու յաւելեալ համագործակցութեան:
