ՄՇԱԿՈՒԹԱՅԻ ՀԱՒԱՔ ԵՐԵԿՈՅ՝ ԿԱԶՄԱԿԵՐՊՈՒԹԵԱՄԲ ՀԱՄԱԶԳԱՅԻՆԻ ԱՐԵՒԵԼԵԱՆ Ա.Մ.Ն.-Ի ՇՐՋԱՆԱՅԻՆ ՎԱՐՉՈՒԹԵԱՆ

0 0
Read Time:1 Minute, 29 Second

1

ԹՂԹԱԿԻՑ

Շաբաթ, Ապրիլ 9-ին, Համազգային Հայ Կրթական Եւ Մշակութային Միութեան Արեւելեան Ամերիկայի Շրջանային Վարչութեան հովանաւորութեամբ եւ կազմակերպութեամբ, տեղի ունեցաւ մշակութային հաւաք-երեկոյ, Համազգայինի Կեդրոնական Վարչութեան անդամներէն Հրայր եւ Սիլվա Պարոնեաններուն բնակարանէն ներս, Մանթվէյլ (Նիւ Ճըրզի)։3

Աւանդութիւն դարձած է, որ Համազգայինը իր ձեռնարկներու եւ հանդիսութիւններու միջոցաւ գնահատէ հայ կեանքէն ներս բարձր վաստակ ունեցող հայորդիները։ Այս առիթով, Համազգայինի Արեւելեան Ամերիկայի Շրջանային Վարչութիւնը հրաւիրած էր վաստակաւոր բեմադրիչ Էրիք Նազարեանը, որ իր օրինակելի աշխատանքներով մեծապէս նպաստած է հայ մշակոյթի բարգաւաճման ու տարածման։ Էրիք Նազարեանը ներկայիս կը պատրաստէ տեսաերիզ մը՝ հիմնուած հանրածանօթ Ամերիկահայ վիպագիր Քրիս Պոհճալեանի «Աւազէ Ամրոցի Աղջիկները» վէպին վրայ, որ ներշնչուած է Հայոց Ցեղասպանութենէն։
Ձեռնարկին ներկայ էին Արժանապատիւ Տէր Յովնան Քհն. Պոզոյեան, հոգեւոր հովիւ Նիւ Ճըրզիի Սուրբ Վարդանանց Եկեղեցւոյ, Հ.Յ.Դ. Բիւրոյի անդամ Խաչիկ Մուրատեան, Ազգային Միութիւններու ներկայացուցիչներ եւ բազմաթիւ հիւրեր։
Հանդիսութեան սկիզբը, բարի գալուստի խօսքէն ետք, Շրջանային Վարչութեան Ատենապետ Տոքթ. Տիգրան Գազանճեանը ներկայացուց Համազգայինի տարբեր յանձնախումբերու աշխատանքները եւ ծրագիրները։ Ապա խօսք առաւ Խաչիկ Մուրատեան, որ անդրադարձաւ Համազգայինի առաքելութեան եւ գործունէութեան, արժէքներուն, նուաճումներուն եւ մարտահրաւէրներուն մասին։
Հրաւիրուեցաւ օրուան հիւրը՝ Էրիք Նազարեան, որ ամփոփ կերպով զեկուցեց իր ծրագրած տեսաներիզի մասին, անդրադառնալով 42հայկական շարժապատկերի առընչուող հարցերուն եւ դժուարութիւններուն մասին։
Հանդիսութեան գեղարուեստական յայտագիրը կատարեց գաղութին ծանօթ երգիչ Գէորգ Հաճեան, որ ներկայացուց դասական ու ազգային երգեր։ Օրուան անակնկալն էր Համազգայինի «Նայիրի» պարախումբը, որուն անդամ երիտասարդ երիտասարդուհիները ինքնաբուխ կերպով ելոյթ ունեցան, ճոխացնելով մթնոլորտը։
Ձեռնարկի ընթացքին նաեւ տեղի ունեցաւ ընթրիք։ Ներկաները սրտաբուխ նուէրներով իրենց մասնակցութիւնը բերին Համազգայինի Մշակութային ծրագիրներուն։
Համազգայինի առաքելութիւնը միշտ եղած է պահպանել մեր ազգային ու մշակութային արժէքները եւ հայեցի կրթութիւն հաստատել սփիւռքի բոլոր գաղութներէն ներս, թափանցելով տարբեր խաւեր եւ մանաւանդ ներգրաւելով երիտասարդ սերունդին՝ շատ կարեւոր առաքելութիւն նկատելով օժանդակել մասնագիտացած մարդուժի պատրաստութեան։ Տարիներու ընթացքին այս մէկը հաստատուած է մեր համակիրներու նախաձեռնող օժանդակութեամբ։
Համազգայինի ընտանիքին համար ջերմ ուրախութիւն էր, որ մեր մշակութասէր հասարակութիւնը իր ներկայութեամբ քաջալեր հանդիսացաւ հայ մշակոյթի բարգաւաճման եւ ուսուցման աշխատանքին։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՔԱՌՕՐԵԱՅ ՊԱՏԵՐԱԶՄ՝ ՊԱՏՃԱՌՆԵՐԻ ԵՒ ՄԵՂԱՒՈՐՆԵՐԻ ՓՆՏՌՏՈՒՔ
Next post ՍՈՒՐԻՈՅ ԽՈՐՀՐԴԱՐԱՆԻՆ ՄԷՋ՝ ԵՐԿՈՒ ՀԱՅ ԵՐԵՍՓՈԽԱՆՆԵՐ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles