ՄԻՆՍՔԻ ԽՄԲԱԿԻ ՀԱՄԱՆԱԽԱԳԱՀՆԵՐԸ ՑՈՅՑԵՐՈՎ ԴԻՄԱՒՈՐՈՒԵՑԱՆ

0 0
Read Time:1 Minute, 11 Second

minsk-300x225  ԵՐԵՒԱՆ.- Փետրուար 5-ին,  “Նիկոլ Աղբալեան“ ուսանողական եւ Հ.Յ.Դ. Հայաստանի երիտասարդական միութիւններու անդամները հաւաքուեցան Հայաստանի Արտաքին Գործոց նախարարութեան շէնքին մօտ` ԵԱՀԿ-ի Մինսքի խմբակի համանախագահներուն այցելութեան գծով իրենց բողոքի ձայնը բարձրացնելու զինադադարի խախտման դէպքերուն վերաբերեալ համանախագահներու չէզոք դիրքորոշումին դէմ:

Նախքան համանախագահներու ժամանումը` Հ.Յ.Դ. “Նիկոլ Աղբալեան“ ուսանողական միութեան վարչութեան ատենապետ Գերասիմ Վարդանեան յայտնեց, որ ղարաբաղեան տագնապի կողմերը հաւասարապէս մեղադրելու համանախագահներու դիրքորոշումը կը նպաստէ ոչ թէ խաղաղութեան հոլովոյթին, այլ Ատրպէյճանի ռազմատենչ յայտարարութիւններուն:

“Եկած ենք ըսելու, որ հաւասարութեան նշան չդնեն սահմանագիծին վրայ Ատրպէյճանի եւ Հայաստանի գործողութիւններուն միջեւ“, ըսաւ ան:

ԵԱՀԿ-ի Մինսքի խմբակի համանախագահներ Իկոր Փոփովը, Ճէյմս Ուորլիքը եւ Ժաք Ֆօրը, ինչպէս նաեւ ԵԱՀԿ-ի գործող նախագահի անձնական ներկայացուցիչ Անճէյ Քասփրչիքը Արտաքին Գործոց նախարարութեան շէնքին մօտ դիմաւորուեցան բողոքի պաստառներով:p1   minsk

Ցոյցին մասնակցող երիտասարդները իրենց հետ բերած էին համանախագահներուն մայրենի լեզուներով (անգլերէն, ռուսերէն եւ ֆրանսերէն) թարգմանուած զանազան պաստառներ:

Հ.Յ.Դ. Հայաստանի երիտասարդական միութիւնն ու “Նիկոլ Աղբալեան“ ուսանողական միութիւնը, նախապէս նաեւ կոչ ուղղած էին քաղաքական տարբեր կուսակցութիւններու երիտասարդական միութիւններուն` անկախ քաղաքական դիրքորոշումներէն եւ մօտեցումներէն, միանալու բողոքի ցոյցին եւ միասնական դիրքորոշում արտայայտելու ԵԱՀԿ-ի Մինսքի խմբակի համանախագահներու կեցուածքին վերաբերեալ: Դժբախտաբար, ոչ մէկ այլ կուսակցութիւն միացած էր:

Արտաքին Գործոց Նախարար Եդուարդ Նալպանտեանի հետ հանդիպումէն ետք, ԵԱՀԿ-ի Մինսքի խմբակի ռուս համանախագահ Իկոր Փոփով յայտարարեց, որ  հայ-ազերի շփման գիծին վրայ նկատուող լարուածութեան աճը կը խոչընդոտէ բանակցային հոլովոյթը: Իսկ օր մը առաջ, միջնորդները Պաքուի մէջ հանդիպումներ ունեցած էին Ատրպէյճանի նախագահ Իլհամ Ալիեւի եւ Արտաքին Գործոց նախարար Էլմար Մամետեարովի հետ:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՀԱՅ ԵՐԱԺՇ­ՏԱ­ԿԱՆ ՄՇԱ­ԿՈՅ­ԹԸ` 19-ՐԴ ԴԱ­ՐՈՒ ԵՐԿ­ՐՈԴ ԿԻ­ՍՈՒՆ
Next post ԱՅՑԵԼՈՒԹԵԱՆ …ԵՒ ՆԱՄԱԿԻ ՄԸ ԱՌԹԻՒ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles