Միացեալ Նահանգներ Յաւելեալ Օժանդակութիւն Կը Տրամադրեն Հայաստանին

0 0
Read Time:1 Minute, 8 Second


ԵՐԵՒԱՆ․- Հայաստանի մէջ Միացեալ Նահանգներու դեսպան Ռիչըրտ Միլզ յատուկ զեկուցումով մը, փոխանցեց, թէ Ա․Մ․Ն․ յաւելեալ օժանդակութիւն պիտի տրամադրէ Հայաստանին:
Այսպէս, 14 միլիոն տոլարի յաւելեալ արտաքին աջակցութեան միջոցներ տրամադրուած են Հայաստանին, իսկ յառաջիկայ տարուան ընթացքին` Միացեալ Նահանգներ մտադիր են տրամադրելու աւելի քան 26 միլիոն տոլար` 2018-ի արտաքին աջակցութեան միջոցներէն, որ քսան միլիոն տոլարով աւելի է` դիմումով Հայաստանի համար սկզբնապէս պահանջուած գումարէն:
Հայաստանին ցուցաբերուող Միացեալ Նահանգներու աջակցութիւնը կը ներառէ երկկողմանի համագործակցութեան տարբեր ուղղութիւնները, ինչպէս` կառավարում, թափանցիկութիւն եւ հաշուետուողականութիւն, քաղաքական ներառում, օրէնսդրական հզօրացում եւ տեղական ինքնակառավարման բարեփոխումներ: Հայաստանի քաղաքական անցման աջակցելու համար` այս ծրագիրները պիտի օգնեն վերակառուցելու բազմակուսակցական քաղաքական համակարգերը եւ պիտի նպաստեն ազատ ու արդարացի ընտրութիւններուն: Աջակցութիւնը նաեւ կ՛ուղղուի քաղաքացիական հասարակութեան հզօրացման եւ անկախ լրատուամիջոցներու հասանելիութեան բարելաւման:
Տնտեսական աճի ասպարէզին մէջ` ծրագիրներու ծիրին մէջ փորձ կը կատարուի կայուն տնտեսական աճ ապահովելու` աջակցելով տնտեսութեան աճի բարձր ներուժ ունեցող ճիւղերուն, նպաստելով աշխատուժի կատարելագործման եւ խթանելով նորարարութիւնը: Աջակցութիւն պիտի ըլլայ նաեւ ուժանիւթի շուկայի ազատականացման բարեփոխումներու եւ միջսահմանային առեւտուրի ու ընդելուզման հարցերուն:
Հայաստանի մէջ Միացեալ Նահանգներու դեսպանութեան տեղեկութիւններով` վերջերս, Միացեալ Նահանգները, քաղաքական անցման հետ կապուած հայաստանեան նախաձեռնութիւններուն աջակցելու նպատակով
Այս միջոցները պիտի օժանդակեն քաղաքական հոլովոյթներու հետ կապուած գերակայ ծրագիրներուն, քաղաքացիական հասարակութեան եւ անկախ լրատուամիջոցներուն: Այդ միջոցները նաեւ պիտի ուղղուին վարչակազմի կողմէն իբրեւ արտաքին քաղաքականութեան գերակայութիւն սահմանուած գործարար եւ առեւտրական կարելիութիւններու ընդլայնման` ամերիկեան եւ հայկական ընկերութիւններու համար, ինչպէս նաեւ աջակցելով ուժանիւթի բարեփոխումներուն, նաեւ Հայաստանի արագ քայլերով աճող տեղեկատուական արհեստագիտութիւններու ոլորտին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles