Միացեալ Յայտարարութիւն` Արցախի Հանրապետութեան Ազգային Ժողովի Խմբակցութիւններուն

0 0
Read Time:1 Minute, 17 Second

p1 logo_karapagh
Ապրիլի 2-ի լուսադէմին ղարաբաղա-ատրպէյճանական սահմանի ողջ երկայնքով լայնածաւալ ռազմական գործողութիւններ սկսելով` Ատրպէյճանը կոպտօրէն խախտել է 1994 թուականի մայիսին ստորագրուած զինադադարի մասին եռակողմ պայմանագիրը:

Նախորդ տարիներին պաշտօնական Պաքուի կողմից հրադադարի դրութեան պարբերաբար խախտումների հանդէպ միջազգային կառոյցների անհամարժէք վերաբերմունքը յանգեցրել է ատրպէյճանական կողմի աննախադէպ յարձակողական գործողութիւնների ծաւալմանը, որի ընթացքում կիրառուել են բազմաթիւ արգելուած զինատեսակներ, հրետակոծուել ու հրթիռակոծուել են սահմանամերձ մի շարք գիւղեր ու քաղաքներ, գրանցուել վայրագ սպանութիւնների եւ հակամարդկային բռնարարքների դէպքեր:

Մենք` Արցախի Հանրապետութեան Ազգային ժողովի բոլոր խմբակցութիւնների պատգամաւորներս, որպէս ժողովրդի ընտրեալ ներկայացուցիչներ, դատապարտելով Ատրպէյճանի սանձազերծած նոր նախայարձակումը Արցախի խաղաղ բնակչութեան դէմ`

– Վերահաստատում ենք, որ, կողմնակից լինելով ղարաբաղեան հիմնախնդրի խաղաղ կարգաւորմանը, Արցախի Հանրապետութեան համար գերագոյն խնդիրը եղել եւ մնում է իր ժողովրդի անվտանգութեան ապահովումը, որը վտանգուած էր վերջին օրերի ատրպէյճանական ահաբեկչութեան հետեւանքով,

– Գտնում ենք, որ, ձեռնարկելով ռազմական գործողութիւնների նոր փուլ Արցախի ժողովրդի հանդէպ, Ատպէյճանը եւ նրան հովանաւորողները փորձում են Հարաւային Կովկասը դարձնել միջազգային ահաբեկչութեան նոր օճախ, որը լուրջ սպառնալիք է տարածաշրջանի անվտանգային համակարգին,

– Բարձր ենք գնահատում երկրի ու ժողովրդի անվտանգութեան ապահովման համար Արցախի Հանրապետութեան պաշտպանութեան բանակի վստահ ու վճռական գործողութիւնները,

– Կոչ ենք անում միջազգային կառոյցներին եւ, առաջին հերթին, ղարաբաղեան հակամարտութեան կարգաւորման միակ ճանաչուած իրաւագիր ունեցող ԵԱՀԿ Մինսքի խմբի համանախագահութեանը, յստակ իրաւական ու քաղաքական գնահատական տալ վերջին օրերին Արցախի Հանրապետութեան հանդէպ իրականացուած ահաբեկչական գործողութիւններին եւ յստակ քայլեր ձեռնարկել Ատրպէյճանի նախայարձակումը զսպելու ուղղութեամբ:

Ստեղծուած իրավիճակի հանգուցալուծման ամենակարճ ու միակ ողջամիտ ճանապարհը Արցախի Հանրապետութեան իրաւական ճանաչումն է, որը թոյլ կը տայ լիարժէք ու միջազգայնօրէն ընդունուած երաշխիքներով ապահովել նրա ժողովրդի անվտանգութիւնն ու տարածաշրջանի կայունութիւնը:

Արցախի Ազգային ժողովի`
«Հայրենիք»
«Ժողովրդավարութիւն»
«Հ.Յ.Դաշնակցութիւն»
«Շարժում-88» եւ
«Վերածնունդ» խմբակցութիւններ

Ապրիլ 7, 2016
Ստեփանակերտ

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles