«Մենք Այս Ոճին Դէմ Ենք: Ասիկա Անհեռանկարային Մօտեցում Է», Կը Յայտնէ Հ.Յ.Դ. Բիւրոյի Անդամ, Եւ Քաղաքական Հարցերու Գրասենեակի Պատասխանատու Կիրօ Մանոյեան

0 0
Read Time:1 Minute, 41 Second

talan

ԵՐԵՒԱՆ.- Չորեքշաբթի, Յուլիս 20-ին, «Խորենացի» փողոցին մէջ ծանր բախումներ տեղի ունեցան ցուցարարներու ու ոստիկաններու միջեւ: Արդարեւ, կացութիւնը վատթարացաւ, երբ ցուցարարները սկսան քարեր նետել ոստիկաններուն ուղղութեամբ, իսկ ոստիկանները, իբրեւ պատասխան, արցունքաբեր պայթուցիկներ նետեցին ցուցարարներուն ուղղութեամբ: Այս առթիւ, փողոցին մէջ կանգ առած ինքնաշարժներ այրեցան ու վնասուեցան:
Այս բախումները կատարուեցան, երբ քաղաքացիները ուզեցին իրենց հաւաքած սնունդը փոխանցել Էրեբունիի շրջանի մօտակայ ոստիկանատունը գրաւած զինուած խումբին, սակայն ոստիկանները մերժեցին` յայտարարելով, որ անոնք սնունդի կարիք չունին: Նշենք թէ Կիրակի, Յուլիս 17-ի առաւօտեան, խումբ մը զինեալներ, որոնք համակիրներներն էին ձերբակալուած Ժիրայր Սէֆիլեանի, մուտք գործած էին այդ շրջանի ոստիկանատունը:
Այս յարձակման արդիւնք, զոհուած էր գնդապետ Արթուր Վանոյեանը:
Հ.Յ.Դ. Բիւրոյի անդամ, եւ քաղաքական հարցերու գրասենեակի պատասխանատու Կիրօ Մանոյեան, այս հարցին մասին անդրադառնալով, «Ա1+»-ի հետ ունեցած զրոյցին ընթացքին անընդունելի նկատած էր կատարուածը:giro
«Մենք այս ոճին դէմ ենք: Ասիկա անհեռանկարային մօտեցում է, եթէ չըսեմ, որ նաեւ վնասակար է: Խորքին մէջ մեզի համար ամէնէն մեծ վնասը արձանագրուեցաւ արտաքին ճակատի վրայ: Դեռ չենք գիտեր, թէ ինչպէս պիտի աւարտի այս դէպքը եւ եթէ նոր զոհեր խլելու գնով պիտի ըլլայ ատիկա: Նման պարագայ մը աւելի խայտառակ պիտի ընէ Հայաստանը` միջազգային հանրութեան դիմաց: Ո՛չ միայն մեր երկրին մէջ ուշադրութիւնը շեղեցաւ Թուրքիոյ իրադարձութիւններէն, այլ նաեւ դուրսի ուշադրութիւնը, եւ մարդիկ սկսան նմանութիւններ գտնելու փորձեր ընել, երբ նմանութեան ոչ մէկ եզր գոյութիւն ունի: Այսինքն Հայաստանին մէջ տեղի ունեցածը խումբ մը դժգոհ մարդոց արարք է, եւ ոչ թէ իսկապէս հանրութեան աջակցութիւնը վայելող շարժում, մինչդեռ Թուրքիոյ մէջ տեղի ունեցածը խումբ մը զինուորականներու փորձ էր, եւ վստահ եմ, որ կար անոնց կողմնակից որոշ խաւ մը, բայց ոչ այնքան մեծ, որ թուրք զինուորականները յաջողէին: Իսկ Հայաստանի մէջ այդ խաւը չկայ ալ», շեշտեց Մանոյեան:
Նշենք թէ, Հ.Յ.Դ. Գերագոյն Մարմնի ներկայացուցիչ Աղուան Վարդանեան, այս դէպքին մասին անդրադառնալով, յայտնած էր թէ.- «Այդ մարդիկ երկրում անհրաժեշտ փոփոխութիւններ իրականացնելու ամենասխալ եւ դատապարտելի ձեւն են ընտրել: Ծայրահեղական մտածողութիւնը ընդկակառակը նուազեցնում է որակական փոփոխութիւնների հնարաւորութիւնը: Զէնքով, բռնութեամբ, պատանդներով, ահաբեկչութեամբ հարցեր չեն լուծուելու:
Վստահ եմ, որ նրանք հանրային լայն աջակցութիւն չեն կարող ունենալ: Վատ է նաեւ այն, որ այսօր արդէն միջազգային լրատուամիջոցներում թրքական յեղաշրջման փորձը փոխարինուելու է հայաստանեան դէպքերով»:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

One thought on “«Մենք Այս Ոճին Դէմ Ենք: Ասիկա Անհեռանկարային Մօտեցում Է», Կը Յայտնէ Հ.Յ.Դ. Բիւրոյի Անդամ, Եւ Քաղաքական Հարցերու Գրասենեակի Պատասխանատու Կիրօ Մանոյեան

  1. Պրն. Մանոյան միթէ քառորդ դարը բաւարար չէր հասկնալու, գիտնալու ինչեր կը կատարուին Հայրենիքին մէջ, ուրեմն դուք ալ թերացած էք, որովհետեւ տակաւին դուք ալ ոճ մը չէք գտած։ Հայաստանը Արամ Մանուկեանի եւ Նճդեհի նման նախագահներու կարիքը ունի եւ կայ։ Քառօրեայ պատերազմէն ետք հետեւեալը գրեցի.–Հայ Ազգին ողբերգութիւնը կը շարունակուի………………

    Բողոքել եւ հաշիւ պահանջել այս կորսուած Օլիգարխներէն, համայնավար մանկլաուիկներէն եւ գող աւազակներէն, բոլորն ալ ինծի համար հայ չեն եւ իրաւունք չունին Հայ կոչուելու։ Իսկական Հայը վեհանձն, պարկեշտ եւ գիտակից իր պարտականութեան, իսկական Հայը այդպէս ճանչցուած է։
    Շատ ցաւալի եւ ողբալի, այստեղ մենք տակն ու վրայ կ՚ըլլանք ինչպէս օգտակար ըլլանք մեր Հայրենիքին, այս գող աւազակները ինչեր կ՚ընեն, ամէն ինչ չափ ու սահման ունի։
    Առաջին մէկ օրէն այս համայնավար մանկլաուիկները վերացուէին, բոլորովին նոր մարդիկ եւ սփիւռքն ալ մաս կազմեր կառավարութեան, այս պիտի ըլլայ եւ ըլլար արդար ձեւը։
    Լուծումը հետեւեալն է.–
    Արդարութիւնը վերահաստատելու համար այս գումարները ետ կը բերուին, Հայրենիքին տնտեսութիւնը զարգացնելու եւ Հայկական բանակը արդիականացնելու։ Փոխանակ արտագաղթ ըլլալու, փոխարէնը կ՚ըլլայ ներգաղթ։։
    Ան որ ականչ ունի թող լսէ։ Հակառակ պարագային բոլոր աւազակները դէպի ժողովրդային դատարան հաշիւ տալու։ (ժողովուրդի դատարան ոչ թէ կառավարական դատարան)։ Բարեւ հասկցողին, յարգանքներս գործադրողին։ Հայ ժողովուրդը պատրաստ է պայքարելու մինչեւ վերջին յաղթանակ ի սէր Աստուծոյ եւ Հայրենիքին։

    Bedros Zerdelian

    http://www.dzaynhayoc.com/lurer/text.html?id=+1674

Leave a Reply

Your email address will not be published.

Social profiles