Մեծ Եղեռնի Հարիւրամեակի Ոգեկոչում Սուրբ Ստեփանոս Ազգային Վարժարանէն Ներս

0 0
Read Time:1 Minute, 27 Second

sst1

Ուաթըրթաունի (Մասաչուսէց) Սուրբ Ստեփանոս Ազգային Վարժարանը, Ապրիլ 13-20-ին, ամբողջ շաբաթ մը յատկացուց Մեծ Եղեռնի Հարիւրամեակը ոգեկոչող ձեռնարկներու, նախակրթարանի աշակերտներու մասնակցութեամբ։
Ապրիլ 13-ին տեղի ունեցաւ աշակերտներու գործերու ցուցահանդէս մը
– Դ. եւ Ե. կարգերու աշակերտները պատրաստած էին հայկական տարազներ, Արեւմտեան Հայաստանի այն շրջաններէն ուրկէ Հայերը տեղան եղած են 1915, (Վան, Սասուն, Մուշ)։
– Գ. կարգի աշակերտները նկարազարդած էին խոհագիրներ, որոնք գործածուած են այն շրջաններուն մէջ, ուրկէ հայերը զանգուածներով տարագրուած են, (Այնթապ, Մարաշ, Ուրֆա)։ Այս խոհագիրներով անոնք նաեւ պատրաստեցին Հարիւրամեակի նուիրուած գիրք մը։
– Բ. կարգի աշակերտները ներկայացուցին իրենց Ընտանեկան Ծառը։
– Ա. կարգի աշակերտներն ալ պատրաստեցին Հարիւրամեակի Նշանը Անմոռուկը։ sst2
Ապրիլ 14-ին դպրոց հրաւիրուեցան ծնողները ներկայ ըլլալու հանդէսի մը, որուն ընթացքին Ա. – Ե. կարգերէն աշակերտներ ելոյթ ունեցան դաշնակով, ջութակով, կիթառով։ Ուրիշներ իրենց տաղանդը ցուցաբերեցին երգով կամ արտասանութիւնով։ Այս ձեռնակին նպատակը ցոյց տալ էր թէ, եղեռնէն Հարիւր տարի ետք նոր սերունդը կը յառաջդիմէ եւ կը ծաղկի։
Ապրիլ 16-ին Գ. Դ. եւ Ե. կարգերը ներկայ եղան ներկայացումի մը Ստեփան Փիլիկեանի ղեկավարութեամբ, որը աշակերտներուն առիթը տուաւ հարցումներ հարցնելու Կոմիտաս Վարդապետին, Զապէլ Եսայեանին եւ Սահակ Բ. Կաթողիկոսին։ Եղեռնի մասին ան նաեւ մեծ քարտէսի մը վրայ նշաններ դրաւ այն քաղաքներուն վրայ ուրկէ աշակերտներու Մեծ Մեծ Ծնողները տեղահան եղած են 1915-ին։sst3
Ապրիլ 17-ին Գանատայէն ժամանեց Մարշա Սքրիբըչը, որ հեղինակ է 19 գրքերու։ Այս գրքերէն երկուքը Aram’s Choice եւ Call Me Aram հինգ տարիէ իվեր կը գործածուին Դ. եւ Ե. կարգերու մէջ Մեծ Եղեռնը աշակերտներուն ներկայացնելու համար։
Ապրիլ 24-ին Դ. եւ Ե. կարգի աշակերտները մանակցեցան Հարիւրամեակի Ոգեկոչման ըլլայ Մասաչուսէցի Նահանգային Տան առջեւ, ըլլայ Եղեռնի Յուշարձանի առջեւ Պոսթընի մէջ։ Նահանգային Տունէն մինչեւ Եղեռնի Յուշարձանը քալած ժամանակ Ե. կարգի աշակերտները բռնեցին Կը Յիշենք եւ Կը Պահանջենք պաստառը։
Ապրիլ 24-ի գիշերն ալ մեր շրջանաւարտները գործօն դեր վերցուցին Պոսթընի Եղեռնի Յուշարձանի Պարտէզին մէջ տեղի ունեցող հսկումին։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles