ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԻՒՆԸ ՄԱՍՆԱԿՑԵՑԱՒ ԿԱԹՈՂԻԿԷ ԵՒ ԱՐԵՒԵԼԵԱՆ ՈՒՂՂԱՓԱՌ ԵԿԵՂԵՑԻՆԵՐՈՒ ԱՍՏՈՒԱԾԱԲԱՆԱԿԱՆ ԵՐԿԽՕՍՈՒԹԵԱՆ

0 0
Read Time:43 Second

 

ՎԱՏԻԿԱՆ․- Յունիս 20-24-ին տեղի ունեցաւ Կաթողիկէ Եկեղեցւոյ եւ Արեւելեան Ուղղափառ Եկեղեցիներու միջեւ Աստուածաբանական երկխօսութեան միացեալ ժողովին 18-րդ հանդիպումը: Արամ Ա. Վեհափառ Հայրապետին օրհնութեամբ եւ տնօրինումով Մեծի Տանն Կիլիկիոյ Կաթողիկոսութիւնը այս ժողովին ներկայացուցին Սուրբ Աթոռի միաբաններէն Գերշ. Տ. Մակար Եպս. Աշգարեան եւ Գերպ. Տ. Պօղոս Ծ. Վրդ. Թինքճեան (համաքարտուղար). իսկ Ամենայն Հայոց Կաթողիկոսութեան կողմէ մասնակցեցան Գերշ. Տ. Խաժակ Արք. Պարսամեան եւ Գերշ. Տ. Տիրան Եպս. Պետրոսեան։

Սոյն ժողովին ընթացքի վերջնականացաւ եօթը խորհուրդներուն գծով ժողովականներուն մօտեցումները խտացնող եւ աշխատանքին մասին զեկուցող միացեալ յայտարարութիւնը, որ ստորագրուեցաւ համա-ատենապետներուն կողմէ:

Եօթը խորհուրդներու եզրակացութեան յաջորդեց նախօրոք որոշուած Մարեմաբանութեան նիւթի քննարկումը։

Ժողովականներ առիթ ունեցան Նորին Սրբութիւն ՓրանկիսկոսՊապին հետ հանդիպելու եւ ժողովի աշխատանքներուն մասին անդրադառնալու եւ յառաջիկայ աշխատանքային ծրագիրներուն մասին տեղեակ պահելու։

Ժողովի վերջին նիստին որոշուեցաւ յառաջիկայ տարուան հանդիպման թուականը, ներկայացուելիք ուսումնասիրութիւններու նիւթերը, ինչպէս նաեւ ժողովի վայրը՝ Ղպտի Եկեղեցւոյ Պատրիարքութեան կեդրոնէն ներս, Գահիրէ, Եգիպտոս։

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles