Մարաղայի Ջարդին 30-ամեակը

0 0
Read Time:1 Minute, 24 Second


ԵՐԵՒԱՆ.- Հայաստանի արտաքին գործոց նախարարութիւնը յայտարարութեամբ մը անդրադարձաւ Մարաղայի կոտորածի 30-րդ տարելիցին՝ նշելով, որ Հայաստանի Հանրապետութիւնը կը վերահաստատէ իր յանձնառութիւնը՝ ապահովելու Արցախի ժողովուրդին՝ իր հայրենիքին մէջ ազատ, անվտանգ եւ արժանապատիւ կեանքի իրաւունքը։
«Միայն ուժեղ եւ բարգաւաճող, իր պետականութիւնը զարգացնող, միջազգային իրաւական ինքնուրոյնութիւն ունեցող եւ ողջ հայութեանն իր շուրջ համախմբող Արցախը կարող է լինել Մարաղայի ողբերգութեան չկրկնուելու լաւագոյն երաշխիքը։ Ներկայումս ատրպէյճանական զինուած ուժերի կողմից Լեռնային Ղարաբաղում հայ քաղաքացիական բնակչութեան շարունակական թիրախաւորումն ու հումանիտար ճգնաժամ ստեղծելուն ուղղուած գործողութիւնները, ինչպէս նաեւ Մարտ 24-ից Ռուսիոյ խաղաղապահ ուժերի պատասխանատուութեան գօտի ներխուժումը, որի հետեւանքով աւելի քան 400 անձ ստիպուած տեղահանուեց, վկայում են պաշտօնական Պաքուի իրական նպատակի մասին՝ ամբողջական ցեղային զտումների ենթարկել Արցախը», կ՛ըսուի յայտարարութեան մէջ:
Մարաղայի պատերազմական յանցագործութիւնները փաստագրուած են մարդու իրաւունքներով զբաղող միջազգային կազմակերպութիւններու, ներառեալ՝ «Human Rights Warch» եւ «Amnesty Internationalլ» իրաւապաշտպան կազմակերպութիւններու զեկոյցներուն մէջ, որոնք կը վկայեն, որ այդ ջարդերունյիսուն անձեր դաժանաբար սպաննուած են, որոնց կարգին՝ 30 կիներ, իսկ պատանդ բռնուած են 29 կիներ եւ 9 մանուկներ, որոնցմէ 19-ին ճակատագիրը ցարդ կը մնայ անյայտ:
Նախարարութիւնը հաստատեց, որ Մարաղայի խաղաղ բնակիչներու կոտորածը Ատրպէյճանի իշխանութիւններուն կողմէ առաւել քան 30 տարիներ կանոնաւոր կերպով վարուող ցեղասպան քաղաքականութեան մաս կը կազմէ։
Այս յայտարարութեան դէմ արձագանգեց Ատրպէյճանի արտաքին գործոց նախարարութիւնը, որուն հրապարակած յայտարարութեան մէջ կը նշուի, թէ «Հայաստան դարձեալ կը դիմէ քայլերու, որոնք կը վկայեն Երեւանի մօտ Պաքուի հետ յարաբերութիւնները կարգաւորելու իրական ցանկութեան բացակայութեան մասին: Մենք կը մերժենք Հայաստանի արտաքին գործոց նախարարութեան հերթական անհիմն, անօրինական եւ թշնամական յայտարարութիւնը եւ վճռականօրէն կը դատապարտենք հայկական կողմին ապակառուցողական դիրքորոշումը, որ արտայայտուած է այնպիսի պահու, երբ երկու երկիրները որոշած են յարաբերութիւններու կարգաւորման ուղղուած քայլերու ձեռնարկել»։

Նշենք, թէ իշխող «Քաղաքացիական Պայմանագիր» կուսակցութիւնը մերժեց այս թուականը ընդունիլ իբրեւ Մարաղայի ջարդի օր, առարկելով, որ կրնայ արգելք հանդիսանալ Ապրիլ 24-ի ձեռնարկներուն։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles