Մասաչուսէց.- Պելմոնթի Հայ Կաթողիկէ Սուրբ Խաչ Եկեցւոյ Հովիւ Հայր Ղազար Վարդապետ Պետրոսեան

0 0
Read Time:1 Minute, 10 Second

Արդէն իսկ քանի մը ամիսէ ի վեր Պելմոնթի Հայ Կաթողիկէ Սուրբ Խաչ եկեղեցւոյ հովիւր պաշտօնը ստանձնած է երիտասարդ Հայր Ղազար Վարդապետ Պետրոսեանը: Ծնած՝  Հալէպ Փետրուար 24, 1985-ին, ան նախնական ուսումները ստացած է Հայ Կաթողիկէ Անարատ Յղութեան Քոյրերու «Զուարթնոց» վարժարանը, ապա միջնակարգի ուսումը՝ Մխիթարեան վարժարան եւ ետքը, ուր 2000 թուականին Զմմառի (Լիբանան) վանք՝ երկրորդական շրջանի ուսումները կատարելու:

2006 թուականին Հայր Ղազար Վարդապետ Պետրոսեան կը մեկնի Հռոմ կատարելու համար իր իմաստասիրական համալսարանի ուսումնասիրութիւնները Տոմէնիքեան «Անճելիքում» հայրերու մօտ: 2008 թուականին կը մեկնի Յիսուսեան Հայրերու Համալսարանը կատարելու համար Աստուածաբանական «Կրէկորիանա» մասնագիտութիւնը: Ննոյն տարին Հռոմի մէջ, ձայնամարզութեան անձնական դասընթացքներու կը հետեւի իտալացի ուսուցչուհի Սիլվանա Ֆէռարոյի հետ, 2010 թուականին Միջին Առեւելքի Սիւնոտոսին ընթացքին առիթը կ’ունենայ Վաստակաւոր Պենետիքտոս ԺԶ. Սրբազան քահանայապետին ներկայութեամբ ելոյթ մը կատարելու, ուր կը կոչուի «Հայոց Փաւարոթի»։

2011 թուականին ուսումները աւարտելով կը վերադառնայ Լիբանան եւ կ’արձանագրուի Քասլիքի հանրածանօթ Սուրբ Հոգի համալսարանի երաժշտութեան ճիւղը։

Սեպտեմբեր 2012-ին դարձեալ սրբազան քահանայապետին ներկայութեամբ ներկայացում մը կ’ունենայ Զմմառի մայրավանքէն ներս։

Մարտ 2013-ին կը ձեռնադրուի կուսակրօն քահանայ դառնալով անդամ Զմմառեան միաբանութեան եւ առաքելավայր ունենալով Պուրճ համուտի Հայ Կաթողիկէ Սուրբ  Փրկիչ Եկեղեցին։

Եկեղեցւոյ խորհուրդները մատակարարելու կողքին, 2014-ին Հայ Կաթողիկէ Պէյրութի թեմի երիտասարդաց յանձնախումբի հոգեւոր վարիչ անուանուած է Երջանկայիշատակ Տ.Տ. Ներսէս Պետրոս ԺԹ. Կաթողիկոս Պատրիարքին կողմէն:

Նախքան Մասաչուսէց ժամանելւ, ան ստանձնած է հետեւեալ պարտականութիւնները.-

–  2013-2019-ին  Հայ Կաթողիկէ Ս. Փրկիչ Եկեղեցւոյ Փոխ Ժողովրդապետ:

–  2019-2022 -ին Հայ Կաթողիկէ Ս. Գրիգոր Լուսաւորիչ – Ս. Եղիա Աթոռանիստ Եկեղեցւոյ Փոխ Ժողովրդապետ:

Happy
Happy
100 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles