Մասաչուսէց.-  Արցախի Առաջամուղ Գիւղի Ընդարձակման Համար Դրամահաւաք

0 0
Read Time:1 Minute, 12 Second

new

 

Թղթակից

ԼԵՔՍԻՆԿԹԸՆ (Մասաչուսէց).- Կիրակի, Սեպտեմբեր 13-ին, կազմակերպութեամբ շրջանի «Արցախ Ֆոնտ»ին, տեղի ունեցաւ ձեռնարկ մը, Տէր եւ Տիկին Հերի եւ Քաթրինա Կլորիկեաններու երդիքէն ներս:
Հիւրասիրութենէ ետք, խօսք առաւ օրուան հանդիսավարը՝ Անդրանիկ Գասպարեան, որ յայտնեց թէ Արցախին համար մղուած պայքարը յիշատակելի է հայոց պատմութեան համար: «Յաղթանակ արձանագրեցինք, դուրս գալով շարունակ յաղթուողի դրութենէն», յայտնեց ան աւելցնելով, թէ ժամանակն է կառուցելու եւ հաստատուելու: «Այս հետեւողական աշխատանքին արդիւնք, 2004-էն 2007-ի միջեւ Թիւֆէնքեան Հիմնարկին կողմէ ծայր առած աշխատաքները, Արցախի հարաւային շրջանի Առաջամուղ գիւղէն ներս, այսօր կը շարունակուին գորշակցաբար Արցախ Ֆոնտի հետ», յայտնեց Գասպարեան, որ իր խօսքի աւարտին բեմ հրաւիրեց օրուան բանախօսը՝ Քարոլանն Նաճարեան:123

Այս վերջինը, սահիկներով ներկայացուց Արցախը, նշելով թէ իր վրայ մեծ ազդեցութիւն ձգած են ազատագրութեան պայքարի օրերը, ուր ան բժշկական շտապ օգնութեան բնագաւառէն ներս, մեծ ներդրում ունեցած էր: Տպաւորիչ տեսարաններով, ան շեշտեց Քաշաթաղի, Քելպաճարի եւ Շահումեանի նման շրջաններու կարեւորութիւնները: «Ո՛վ կրնայ խօսիլ այս հողերը վերստին տեղի տալու մասին, երբ արիւն հոսուած է…», շեշտեց Նաճարեան:
Ապ,ա խօսք առաւ, շրջանի «Արցախ Ֆոնտ»ի ներկայացուցիչ Ալեքս Սարաֆեանը, որ զանազան տեղեկութիւններ փոխանցեց հիմնարկին գործունէութեան մասին: Ան յաւելեալ մանրամասնութիւններ փոխանցեց Առաջամուղի մասին, որ կը գտնուի Հատրութի շրջանէն ներս եւ այժմ օժտուած է 19 բնակարաններով եւ 88 բնակիչներով: «Մեր նպատակն է հասնիլ յիսուն բնակարաններու: Այսպէս, ընդարձակելով այս գիւղը եւ օժտելով ամէն դիւրութիւններով, կարելի պիտի ըլլայ օրինակելի վայր մը ստեղծել», եզրակացուց Սարաֆեան:
Առիթ տրուեցաւ հարց-պատասխաններու, եւ աւարտին կարելի եղաւ գոյացնել 25 հազար տոլարի գումար մը:
Յաւելեալ տեղեկութիւններու համար.- artsakhfund@acaainc.org.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Պոսթընի Մէջ.- Առաջին Անգամ Ըլլալով Պիտի Ներկայացուի Տիգրան Մանսուրեանի «Ռեքուէմ»ը
Next post ԿԵԴՐՈՆԱԿԱՆՑԻ ԱՐՄԵՆԱԿ ԵՒ ԵՐԿԻՐՆԵՐՈՒ ՊԱՐՏՔԵՐԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles