Մահուան Տխուր Առիթով.- ՍԻՐԵԼԻ ԸՆԿԵՐ ԹՈՄ

0 0
Read Time:1 Minute, 31 Second


thՌՈՒԲԷՆ ՃԱՆՊԱԶԵԱՆ

Տխուր լուրը ստացայ Կիրակի առաւօտ: Տարօրինակօրէն տաք Նոյեմբերեան առաւօտ մը, որ երբեք պիտի չմոռնամ:
Երբ մահուան գոյժդ ստացայ, յստակ էր որ պէտք էր երթայի մեր առաջին հանդիպման վայրը՝ Ուաթըրթաունի «Հայրենիք» շէնքը: Թէեւ տարիներու ընթացքին հետեւած էի ձեր յօդուածներուն եւ մի քանի անգամ զրուցած էինք հեռաձայնի միջոցով, այստեղ էր որ ձեզի առաջին անգամ անձամբ ծանօթացայ:
Շուտով սկսայ թղթատել «Արմինիըն Ուիքլի»-ի դեղնոտած անցեալի թիւերը ու յանկարծ փոխադրուեցայ զանազան տասնամեակներ, որուն ընթացքին միշտ ներկայ եղած էք. միշտ աշխուժ, միշտ գործի վրայ:
Անգիտակցաբար հանդիպեցայ ձեր «Խեղճ Թոմ» օրացոյցե յօդուածներու շարքի անդրանիկ յօդուածին, որ կը սկսի ձեր կարգախօսով՝ «Կը փորձեմ, որ ամէն մէկ օր երէկուընէ աւելի ճոխ ըլլայ..»:
Այս կարգախօսով առաջնորդուեցաք մինչեւ ձեր վերջին շունչը, ընկեր, որուն վրայ միայն կրնամ հիանալ:
Կը հիանամ ձեր հաւատքին, համոզումին եւ քաջութեան վրայ. ո՛չ միայն ձեր վերջին մարտահրաւէրի ընթացքին, բայց ձեր բոլոր աշխատանքներուն եւ առաքելութիւններուն մէջ:
Սկսած ձեր լրագրողական աշխատանքներով ու ուսուցչական առաքելութեամբ, մինչեւ ձեր նուիրումին մեր հաւաքական դատին ու ձեր գրքի հրատարակութիւնը՝ բոլորն ըրիր անձնազոհութեամբ եւ նուիրումով:
Բոլորն ըրիր այդ դրական ոգիով լեցուն կարգախօսով, որուն մասին գրեցիք այդ անդրանիկ յօդուածին մէջ 46 տարիներ առաջ:
Այս բոլորին մասին կը նախանձիմ. «բարի նախանձ» այն յոյսով, որ օր մը ես ալ կրնամ այդ նոյն հաւատքը, համոզումն ու քաջութիւնը ունենալ:
Երբ հասայ յօդուածի վերջին նախադասութեան, ժպիտ մը եկաւ դէմքիս՝ յիշելով ձեր աննման սրամտութիւնը:
Միայն դուք կրնայիք փակել ձեր առաջին յօդուածը, որ գրուած էր Հոկտեմբեր 12, 1970-ին, նոյն նախադասութեամբ, որ կը բանար ձեր վերջին յօդուածը:
«Ուրեմն այս է վերջաւորութիւնը—ըսաւ շունը երբ ինք իր պոչը խածեց…»
Պրաւօ, ընկեր: Լաւ էր այս մէկը:
Սակայն լաւ գիտցիր թէ այս վերջաւորութիւնը չէ…
Ոչ մէկս անմահ ենք, բայց համոզուած եմ, որ ձեր կտակը, ընկեր Թոմի ժառանգութիւնը, պիտի ապրի եւ սերունդներ գոյատեւէ՝ այնքան ժամանակ որ իմ նման երիտասարդ երազողներ կը ոգեւորուին եւ ներշնչուին ձեզի նման օրինակելի ընկերներէ:
Հողը թեթեւ գայ, ընկեր:
Միշտ հիացած, բարի նախանձով։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles