ՄԱԷՍԹՐՕ ՍՄԲԱՏԵԱՆԻ ՄՈԳԱԿԱՆ ՃՊՈՏԸ՝ ՊՈՍԹԸՆԻ ՄԷՋ

0 0
Read Time:54 Second

p7 sergey sempadyan3
Շաբաթ, Հոկտեմբեր 31-ին, Պոսթընի Նիւ Ինկլընտ երաժշտանոցի «Ճորտըն Հօլ» սրահին մէջ, ելոյթ ունեցաւ Հայաստանի պետական երիտասարդական նուագախումբի գեղարուեստական ղեկավար եւ մաէսթրօ Սերգէյ Սմբատեան, Հարաւային Քորէայի սենեկային նուագախումբին հետ: Իբրեւ հիւր ղեկավար, ան ելոյթներու շարք մը կը կատարէ այս սենեկային նուագախումբին հետ, որ կը նշէ իր յիսնամեակը:
p7 sep7 korea chamber and paoli (1)


Յայտագրի վրայ էին բազմաթիւ գործեր, որոնց կարգին յատկապէս Ֆելիքս Մենտելսընի տասերորդ համանուագը, վերապահուած լարային գործիքներու եւ արժանթինցի յօրինող Ասթոր Փիազոլայի «Պուէնոս Այրէսի Չորս Եղանակներ»ը:
Երիտասարդ Սմբատեան հմտօրէն ղեկավարեց նուագախումբը, որուն կ՛ընկերանային ջութակահարներ՝ Ինօ Միրքովիչ եւ Սոյունկ Եուն եւ մեցօ-սոփրանօ Քարլի Փաօլի: Այս վերջինը ներկայացուց Ճորճ Կերշուինի «Սամուան Թու Ուոչ Օվըր Մի»ն:
Երկու ժամէն աւելի տեւողութիւն ունեցող այս նուագահանդէսը առիթ մը եղաւ, որ դասական երաժշտութեան սիրահարներ ընբոշխնեն յիշատակելի գործեր, անսխալօրէն եւ ամենայն բծախնդրութեամբ ներկայացուած փորձառու արուեստագէտներու կողմէն, մաէսթրօ Սմբատեանի մոգական ճպոտի հովանիին տակ:p7 sergey sempadyan2

Հազիւ 28 գարուններ բոլորած Սմբատեան, արդէն իսկ ղեկավարած է այլ նուագախումբեր, որոնց կարգին Փրակայի, Տրեստընի, Վարշաւիոյ եւ Մոսկուայի նուագախումբերը:
Հարաւային Քորէայի սենեկային նուագախումբին հետ, Սմբատեան ելոյթներ ունեցած է Սէուլի, Մոսկուայի եւ այս ելոյթէն քանի մը օր առաջ՝ Հոկտեմբեր 27-ին Նիւ Եորքի հռչակաւոր «Քարնըկի Հօլ» սրահին մէջ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles