Ճոն Պոլթըն Այցելեց Երեւան

0 0
Read Time:1 Minute, 10 Second

ԵՐԵՒԱՆ․- Հ․Հ․ վարչապետի պաշտօնակատար Նիկոլ Փաշինեան, Հոկտեմբեր 25-ին ընդունեց Միացեալ Նահանգներու Ազգային անվտանգութեան հարցերով խորհրդական Ճոն Պոլթընի գլխաւորած պատուիրակութիւնը:

Պոլթըն շնորհակալութիւն յայտնեց ընդունելութեան համար եւ Նիկոլ Փաշինեանին փոխանցած նախագահ Տանըլտ Թրամփի ջերմ ողջոյնները: Պոլթըն նշեց, որ Հայաստանի համար պատմական նշանակութիւն ունեցող այս ժամանակաշրջանին իրենք կարեւոր կը նկատեն հայ-ամերիկեան յարաբերութիւններու զարգացումն ու խորացումը: «Ուրախ եմ Ձեզի հետ քննարկելով հայ-ամերիկեան յարաբերութիւններուն առնչուող երկկողմ ու տարածաշրջանային հարցերու լայն շրջանակը: Կը շնորհաւորեմ Ձեզ Հայաստանի մէջ խաղաղ ժողովրդավարական անցումը յաջողութեամբ առաջնորդելու համար: Միացեալ Նահանգներ կ՛աջակցի նոր կառավարութեան ջանքերուն` ուղղուած փտածութեան դէմ պայքարին, դատական համակարգի թափանցիկութեան աստիճանի բարձրացման եւ քաղաքացիներու առջեւ կառավարութեան հաշուետուողականութեան մեծացման այնպիսի ուղիներով, որոնք կը յանգեցնեն ժողովրդավարութեան, իրաւունքի գերակայութեան եւ տարածաշրջանային կայունութեան ամրապնդման»,- ըսաւ Պոլթըն:

Ան շեշտեց, որ Հայաստանի մէջ կայանալիք արտահերթ խորհրդարանական ընտրութիւններուն գործող վարչապետի պաշտօնակատար Նիկոլ Փաշինեանի յաղթանակը լաւ հնարաւորութիւն պիտի ըլլայ ԼՂ հակամարտութեան կարգաւորման ուղղութեամբ քայլեր ձեռնարկելու համար: «Եթէ նման պատրաստակամութիւն ըլլայ, մենք պէտք է աշխատինք, որ Ատրպէյճանի կողմէ եւս նոյն կերպով ըլլայ արձագանգը»,-եզրակացուց ան:

Նիկոլ Փաշինեան յայտնեց. «Ուրախ եմ հիւրընկալելով նման բարձր մակարդակի պատուիրակութեան, ինչ որ պատմական է Հայաստանի համար: Շատ կարեւոր է Ա․Մ․Ն․-ի հետ ունենալ բարձր մակարդակի շփումներ, եւ մեր կառավարութիւնը կարեւոր կը համարէ հայ-ամերիկեան աշխոյժ երկխօսութիւնն ու սերտ փոխգործակցութիւնը: Սիրոյ եւ համերաշխութեան ոչ բռնի, թաւշեայ յեղափոխութեան արդիւնքով տեղի ունեցող գործընթացները հիմնուած են բացառապէս ժողովրդավարական արժէքներու վրայ: Այժմ մենք կ՛աշխատինք, որպէսզի ստեղծենք եւ ամրապնդենք կայուն ու կայուն ժողովրդավարական պետութիւն»,- ըսաւ Փաշինեան։

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles