Հ.Օ.Մ.-Ի ՆՈՐԱԿԱԶՄ ՄԱՍՆԱՃԻՒՂ՝ ՊԵԼՃԻՔԱՅԻ ՄԷՋ

0 0
Read Time:2 Minute, 2 Second
Հայ Օգնութեան Միութեան Կեդրոնական վարչութեան ներկայացուցիչները՝ Պելճիքայի նորակազմ Հ.Օ.Մ.-ի մասնաճիւղի անդամներուն հետ:
Հայ Օգնութեան Միութեան Կեդրոնական վարչութեան ներկայացուցիչները՝ Պելճիքայի նորակազմ Հ.Օ.Մ.-ի մասնաճիւղի անդամներուն հետ:

Հայ Օգնութեան Միութեան Կեդրոնական վարչութեան ատենապետուհի՝ Վիգի Մարաշլեան եւ Կեդրոնական վարչութեան անդամ՝ Լիզա Աւագեան, Հոկտեմբեր 15-16, 2014ին այցելեցին Պրիւքսէլ, Պելճիքա, ուր  Արցախի Ազգային Ժողովի նախագահ՝ Աշոտ Ղուլեանի ներկայութեամբ, մասնակցեցան Եւրոպայի Հայ Դատի գրասենեակի, ՀՄԸՄ-ի, Համազգայինի, Հայ Երիտասարդական Միութեան ներկայացուցիչներուն, Հ.Օ.Մ.ի համակիրներուն եւ գիրքի հեղինակ՝ Աննա Աստուածատուրեան-Թըրքոթին հետ հանդիպմանը:

Նկատի ունենալով հայ համայնքի հետաքրքրութիւնները Հայ Օգնութեան Միութեան համա-հայկական ծրագիրներուն եւ միութեան ընդհանուր գործունէութեան նկատմամբ, Հ.Օ.Մ.-ի համակիրներու խանդավառ մասնակցութեամբ, Հոկտեմբեր 16, 2014-ին, Պրիւքսէլի “Հայ Տուն“էն ներս, հիմը դրուեցաւ՝ “Պելճիքայի Հայ Օգնութեան Միութեան“ մեկուսի մասնաճիւղին:

Ձախէն աջ՝ Մեսրոպ Շապոյեան, Պրիւքսէլի ՀՀ-եան Դեսպանատան կցորդ. Վիգի Մարաշլեան, Հ.Օ.Մ.-ի Կեդրոնական վարչութեան ատենապետուհի. Արտակ Զագարեան, Հայաստանի Ազգային Ժողովի անդամ եւ Արտաքին Յարաբերութեանց յանձնախումբի ատենապետ. Թաթուլ Մարգարեան, Պելճիքայի մօտ Հայաստանի Դեսպան եւ Եւրոմիութեան մօտ Հայաստանի ներկայացուցիչ:
Ձախէն աջ՝ Մեսրոպ Շապոյեան, Պրիւքսէլի ՀՀ-եան Դեսպանատան կցորդ. Վիգի Մարաշլեան, Հ.Օ.Մ.-ի Կեդրոնական վարչութեան ատենապետուհի. Արտակ Զագարեան, Հայաստանի Ազգային Ժողովի անդամ եւ Արտաքին Յարաբերութեանց յանձնախումբի ատենապետ. Թաթուլ Մարգարեան, Պելճիքայի մօտ Հայաստանի Դեսպան եւ Եւրոմիութեան մօտ Հայաստանի ներկայացուցիչ:

Կեդրոնական վարչութեան ողջոյնի խօսքէն ետք, Վիգի Մարաշլեան եւ Լիզա Աւագեան ներկայացուցին Հ.Օ.Մ.-ի պատմականը, կառոյցը եւ համաhայկական ծրագիրները: Քննարկուեցան նաեւ տեղական գետնի վրայ ծրագիրներ մշակելու կարելիութիւնները:

Հանդիպումին ներկայ էին 26 համակիրներ, որոնք ներկայիս մաս կը կազմեն Հ.Օ.Մ.-ի նորաստեղծ կառոյցին: Ընտրուեցաւ եօթ անդամներէ բաղկացած դիւան մը եւ կազմը անմիջապէս անցաւ կազմակերպական սկզբնական աշխատանքներուն:

Պելճիքայի Հ.Օ.Մ.-ի մեկուսի մասնաճիւղի հիմնադրութեան առթիւ, Հայ Օգնութեան Միութեան Կեդրոնական վարչութեան ատենապետուհի՝ Վիգի Մարաշլեան ըսաւ. “Կարող ենք հպարտօրէն յայտարարել, թէ Հ.Օ.Մ.ը այսօր որպէս անկախ, համահայկական մարդասիրական միութիւն, կը ծառայէ ամենուրէ՛ք, հասնելով հայ ժողովուրդի ֆիզիքական, ընկերային ու մշակութային կարիքներուն։ Ներկայիս, Հ.Օ.Մ.-ի համահայկական ընտանիքը կու գայ անգամ մը եւս փաստելու, թէ այս կազմակերպութիւնը իր հարիւրամեայ գործունէութենէն ետք, ներկայիս կը մնայ նոյնքա՛ն աշխոյժ, կանգուն եւ լաւատես, ինչպէս որ էր իր սկզբնական շրջանին՝ միշտ պայծառ ապագայի մը հեռանկարով: Այժմեականացում 21րդ դարու ընծայած նո՛ր գաղափարներու, նո՛ր կարելիութիւններու ընկալման իմաստով“:

Արցախի Ազգային Ժողովի նախագահ՝ Աշոտ Ղուլեան Եւրոպայի Հայ Դատի գրասենեակի, Հ.Օ.Մ.-ի, Հ.Մ.Ը.Մ.-ի, Համազգայինի , Հայ Երիտասարդական Միութեան անդամներուն եւ Աննա Աստուածատուրեան –Թրքօթին հետ, Պրիւքսէլի Հայ Դատի գրասենեակին մէջ:
Արցախի Ազգային Ժողովի նախագահ՝ Աշոտ Ղուլեան Եւրոպայի Հայ Դատի գրասենեակի, Հ.Օ.Մ.-ի, Հ.Մ.Ը.Մ.-ի, Համազգայինի , Հայ Երիտասարդական Միութեան անդամներուն եւ Աննա Աստուածատուրեան –Թրքօթին հետ, Պրիւքսէլի Հայ Դատի գրասենեակին մէջ:

Այս այցելութեան ընթացքին, Կեդրոնական վարչութեան ներկայացուցիչները նաեւ ներկայ գտնուեցան Եւրոպական Խորհրդարանէն ներս, Արցախի նուիրուած ձեռնարկներուն եւ հանդիպումներ ունեցան Արցախի Ազգային Ժողովի նախագահ՝ Աշոտ Ղուլեանի, Եւրոմիութիւն- Հայաստան Եւրոպական խորհրդարանէն ներս բարեկամութեան խումբի նախագահ, եւրոերեսփոխաններ Էլէնի Թէօխարուսի եւ Ֆրանք Էնկելի, եւ այլ պաշտօնատարներու հետ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles