Հ.Օ.Մ.-ի Նիւ Ճըրզիի «Շաքէ» Մասնաճիւղը` Արցախի Կողքին… 35 Հազար Տոլար Հաւաքուած

0 0
Read Time:2 Minute, 38 Second

view

«Արցախն է մեզ կանչում» կոչով, Հայ Օգնութեան Միութեան Նիւ Ճըրզիի «Շաքէ» մասնճիւղը նախաձեռնեց նուիրահաւաք՝ ի նպաստ Արցախին:
Կարճ ժամանակամիջոցին, արդէն իսկ տոմսերը սպառած էին: Մասնաճիւղի ընկերուհիները ժրաջան մեղուներու նման աշխատեցան եւ վերջապէս, Շաբաթ, Մայիս 21, 2016-ի երեկոյեան Րիճֆիլտի հայ կեդրոնը պատրաստ էր հիւրընկալելու հոծ բազմութիւնը: Սրահը լրիւ լեցուն էր, սեղանները ճոխ, ներկաները բարձր տրամադրուած:

Ձախէն աջ՝ Նայիրի Տէրտէրեան (ՀՕՄ Կեդր Վարչ), Րէն Մարաշլեան, Մարինա Եագուպեան, ընկեր Գառնիկ Սարգիսեան, Անի Քէշիշեան(ատենապետուհի), Անիք Քէշիշեան, Մարալ Գաբրիէլեան եւ Փօլին Տոսթումեան
Ձախէն աջ՝ Նայիրի Տէրտէրեան (ՀՕՄ Կեդր Վարչ), Րէն Մարաշլեան, Մարինա Եագուպեան, ընկեր Գառնիկ Սարգիսեան, Անի Քէշիշեան(ատենապետուհի), Անիք Քէշիշեան, Մարալ Գաբրիէլեան եւ Փօլին Տոսթումեան

karnig



Հ.Օ.Մ.-ի «Շաքէ» մասնաճիւղի ատենապետուհի ընկերուհի Անի Քէշիշեան վարեց կարճ յայտագիրը ու ապա նուիրահաւաքը: Ազգային եւ Հ.Օ.Մ.-ի քայլերգներէն ետք, Հ.Օ.Մ.-ի մասնաճիւղին խօսքը փոխանցեց Փօլին Տոսթումեան, որ անդրադառնալով Արցախի Ապրիլեան ճգնաժամին, բարձր գնահատեց Հայ Զինուորի նուիրումը եւ յոտնկայս լռութեամբ հրաւիրեց ներկաները յարգելու մեր անմահացած հերոսներու յիշատակը: Ան շեշտեց որ մեր ժողովուրդի համախմբուածութիւնը, հայրենասիրութիւնը, կամաւորներու նուիրումը, սգակիր մայրերու քաջութիւնը կարելի չէ դրամով գնել. սակայն՝ ԿԱՐԵԼԻ է Նիւ Ճըրզիի հեռաւոր ափերէն նիւթական գումարներ գոյացնել՝ իրականացնելու համար կենսական ծրագիրներ Արցախի համար: Ընկերուհի Փօլին եզրափակեց «Եթէ չենք կրնար գտնուիլ առաջնագիծ, առնուազն եկէք կանգնինք թիկունքին: Այսօր կոչ կ’ուղղենք բոլորին անխտիր, առատաձեռն ըլլանք մեր նուիրատուութիւններով, որպէսզի մեր հայրենիքի սահմանները մնան ԱՄՈՒՐ եւ մեր հայրենի ժողովուրդը ԱՊԱՀՈՎ : Քաջ գիտակցինք, որ մեր հերոս նահատակներու արիւնն է որ գծած է մեր հայրենիքի սահմանները. մենք «տարածքներ» չունինք յանձնելու, մենք հայրենիք ունինք պաշտպանելու. Միասնաբար, մեր ժողովուրդին հետ, հայրենիքի համար՝ զօրավիգ կանգնինք Արցախին»:
Ապա յաջորդաբար խօսք առին Հ.Յ.Դ. «Դրօ» կոմիտէի կողմէ Յակոբ Մելքոնեան եւ Սրբոց Վարդանանց եկեղեցւոյ հովիւ՝ Տէր Յովնան Քհնյ. Պօզոյեան:

Անի Քէշիշեան
Անի Քէշիշեան
Փօլին Տոսթումեան
Փօլին Տոսթումեան
Նայիրի Տէրտէրեան
Նայիրի Տէրտէրեան

 

 

 

 

 

 

 

 

 

 

Հիւր բանախօսն էր Հ.Օ.Մ.-ի Կեդրոնական Վարչութեան փոխ ատենապետուհի՝ Նայիրի Տէրտէրեան, որ մանրամասն ներկայացուց Արցախի Ապրիլեան ճգնաժամի ուղղութեամբ Հայ Օգնութեան Միութեան կողմէ ցարդ կատարուած աշխատանքները եւ նիւթական յատկացումները: Տէրտէրեան

անդրադարձաւ նաեւ Հ.Օ.Մ.-ի ընթացիկ ծրագիրներուն որոնք համադրուած են Արցախի Հանրապետութեան հետ եւ որոնք կը ներառեն տեղահանուած ընտանիքներու հոգատարութիւն, զոհուած զինծառայողներու ընտանիքներու օժանդակութիւն, երեխաներու կրթական նպաստներ, վիրաւորներու օժանդակութիւն եւ աւերուած գիւղերու վերակառուցում: Ընկերուհին նաեւ պատրաստած էր սահիկներու գեղեցիկ համադրում մը որոնք նուիրահաւաքի լրիւ տեւողութեան անդադար ցուցադրուեցան հսկայ պատին վրայ, բեմի կողքին: Այս լուսանկարներու համադրումը, թէպէտ լռելեան՝ ազդեցիկօրէն խօսուն էին, ներկաներուն շարունակաբար շեշտելով օրուայ պատգամը:
Գառնիկ Սարգիսեանի անզուգական մեկնաբանութեամբ՝ հայ ազգային յեղափոխական երգերով թնդաց հայ կեդրոնի սրահը, խրախուսելով նամանաւանդ երիտասրդութիւնը որոնք Արցախի դրօշները ծածանեցնելով կը շրջէին սրահին մէջ:

karnig2
Հ.Օ.Մ.-ի «Շաքէ» մասնաճիւղի ատենապետուհի՝ Անի Քէշիշեան հոյակապ կերպով վարեց նուիրահաւաքը, դրուագներով, գնահատականներով եւ իր ժպտուն դէմքով խանդավառեց մթնոլորտը:
Գառնիկ Սարգիսեանի, Անի Քէշիշեանի եւ Նայիրի Տէրտէրեանի խմբային աշխատանքով եւ գեղեցիկ համադրումով՝ նուիրատուութիւնները եղան ինքնաբուխ:
Ուրախ ենք յայտարարելու որ 330 ներկաներով, կարճ ժամանակամիջոցի ընթացքին Արցախի համար կազմակերպուած այս նուիրահաւաքի երեկոյթը, կարողացաւ գոյացնել 35 հազար տոլար որ Հ.Օ.Մ.-ի կառոյցին միջոցաւ հարիւր տոկոսով կը փոխանցուի Արցախ:
Հ.Օ.Մ.-ի «Շաքէ» մասնաճիւղի ընկերուհիներուն վարձքը կատար, ընկ. Գառնիկի ձայնը անսպառ, շնորհակալութիւն ընկհ Նայիրի Տէրտէրեանի եւ խորին շնորհակալութիւն բոլոր ներկաներուն իրենց մասնակցութեան եւ առատաձեռն նուիրատուութեան:
Խաղաղութիւն Արցախ աշխարհին:

Հ.Օ.Մ.-ուհի
Մայիս 25, 2016

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՎԵՐԸՆՁԻՒՂՄԱՆ ՄԱՅԻՍ 28-Ը
Next post «Հաւատքով Եւ Հետեւողական Աշխատանքով, Պիտի Վերաշինենեք Եւ Վերաբնակեցնենք Արցախը», Կը Յայտնէ Անդրանիկ Գասպարեան

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles