ԱՒԱՐՏ`Հ.Օ.Մ.-Ի ՀԱՄԱՀԱՅԿԱԿԱՆ 71ՐԴ ՊԱՏԳԱՄԱՒՈՐԱԿԱՆ ԺՈՂՈՎԻ

0 0
Read Time:1 Minute, 21 Second

homՀայ Օգնութեան Միութեան Համահայկական 71րդ Պատգամաւորական Ժողովը, որ ընթացք առած էր Կիրակի, 4 Հոկտեմբեր 2015ին, Երեւանի մէջ, իր աւարտին հասաւ Շաբաթ, 9 Հոկտեմբեր 2015ին։ Վեց օրերու ընթացքին, 22 երկիրներէ ժամանած պատգամաւորները քննելէ ետք անցնող քառամեակին Հ.Օ.Մ.-ի Կեդրոնական Վարչութեան ընդհանուր գործունէութիւնը, գնահատեց Կեդրոնական Վարչութեան գործունէութիւնը եւ յառաջիկայ քառամեակին համար յատուկ ծրագիրներ որդեգրեց։ Կրթական, առողջապահական, ընկերային եւ բարեսիրական ծրագիրներուն կողքին ժողովը կեդրոնացաւ Միջին Արեւելքի տագնապալի իրավիճակին, Հայաստանի, Արցախի եւ Ջաւախքի հայրենակիցներուն զօրակցութեան, Հ.Օ.Մ.-ի Սօսէ¦ Ստեփանակերտի Մանկապարտէզի շինարարութեան, հայ զինուորի օժանդակութեան, սահմանամերձ գիւղերու հարցերը, Յունաստանի Հայ Կապոյտ Խաչի վարժարաններու դիմագրաւած տնտեսական տագնապին, ինչպէս նաեւ բոլոր հայ գաղութներու անմիջական կարիքներուն, եւ որդեգրեց համապատասխան բանաձեւումներ եւ ծրագիրներ։
Պատգամաւորական Ժողովի աւարտին, 2015-2019 շրջանի Կեդրոնական Վարչութեան կազմի ընտրութիւնը։ Վարչութիւնը ընտրեց իր դիւանը հետեւեալ ձեւով.-
Գարոլին Շմաւոնեան, Ատենապետուհի (Արեւելեան Ա.Մ.Ն.)
Նայիրի Տէրտէրեան, Փոխ-ատենապետուհի (Արեւմտեան Ա.Մ.Ն.)
Ռիթա Հինդլեան, Ատենադպրուհի (Արեւմտեան Ա.Մ.Ն.)
Սիլվա Գույումճեան, Գանձապահուհի (Արեւելեան Ա.Մ.Ն.)
Սօնիա Աքէլեան, Խորհրդական (Արեւելեան Ա.Մ.Ն.)
Լիզա Աւագեան, Խորհրդական (Եւրոպա)
Ալեսիա Բեջանեան, Խորհրդական (Հայաստան)
Աննա Տէր Յակոբեան, Խորհրդական (Սուրիա)
Մարալ Մաթոսեան, Խորհրդական (Արեւմտեան Ա.Մ.Ն.)
Վարսենիկ Սարգիսեան, Խորհրդական (Գանատա)
Նելլի Վեքիլեան, Խորհրդական (Լիբանան)

 

Հայ Օգնութեան Միութեան Կոչը՝ Միջազգային Հանրութեան

Հայ Օգնութեան Միութեան Համահայկական 71րդ Պատգամաւորական ժողովը, որ գումարուեցաւ Հայաստանի Երեւան քաղաքին մէջ, մասնակցութեամբ Հ.Օ.Մ.-ի աշխարհի տարածքին գտնուող 22 երկիրներէ եկած ներկայացուցիչներու, կը զօրակցի Հայաստանի ու Արցախի սահմանամերձ գիւղերու բնակիչներուն, որոնք կը ռմբակոծուին Ատրպէյճանի բանակին կողմէ:
Հակառակորդը շարունակականօրէն կը խախտէ հրադադարը, որուն հետեւանքով կրակոցներէն կը զոհուին կամ կը վիրաւորուին անմեղ բնակիչներ, ներառեալ մանուկներ, կանայք եւ տարեցներ:
Ժողովս կը դատապարտէ անմարդկային անօրինական արարքները եւ կոչ կ՛ուղղէ միջազգային հանրութեան դատապարտելու ու կասեցնելու նմանօրինակ խախտումներ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles