Հ.Օ.Մ.Ի «ՄԱՅՐ» ՄԱՍՆԱՃԻՒՂԻ ԿԱԶՄԱԿԵՐՊԱԾ ՃԱՇԿԵՐՈՅԹԸ Ի ՆՊԱՍՏ ՍՈՒՐԲ ԳՐԻԳՈՐ ԼՈՒՍԱՒՈՐԻՉ ԱՄԵՆՕՐԵԱՅ ՎԱՐԺԱՐԱՆԻՆ

Հայ Օգնութեան Միութեան բարեսիրական գործերը անհաշիւ են: Միշտ եւ միշտ օգնած է եւ կ’օգնէ Հայ ժողովուրդին ի մասնաւորի Հայ աշակերտին ու դպրոցին, որովհետեւ հայ դպրոցի առաքելութիւնը ոչ միայն գիտութիւն հայթայթելն է այլ նաեւ հայեցի դաստիարակութեամբ, միջոցներ, առիթներ ապահովելն է որպէսզի այսօրուայ փոքրիկ ուսանողը դառնայ ապագային գիտակից Հայը: Այս նպատակէն թելադրուած, Նիւ Եորքի Հայ Օգնութեան Միութեան »Մայր« մասնաճիւղը այս տարի իր աւանդական տարեկան ձեռնարկ ճաշկերոյթը ի նպաստ Սրբ. Լուսաւորիչ Ամենօրեայ վարժարանին, կազմակերպեց Յունուար 162011ին ժամը 1.00ին Սուրբ Լուսաւորիչ Մայր եկեղեցւոյ սրահին մէջ: Ճաշկերոյթին ներկայ էր Սուրբ Լուսաւորիչ Մայր եկեղեցւոյ հոգեւոր հովիւ Արժ. Տ. Մեսրոպ Քհնյ. Լագիսեան, Սուրբ Լուսաւորիչ Ամենօրեայ վարժարանի խնամակալ մարմնի անդամներն ու ատենապետը ՝ Դոկտ. Հրանդ Մարգարեան, եկեղեցւոյ հոգաբարձութեան կազմը, Հ.Օ.Մ.Ի, Շրջանային վարչութեան ատենապետուհին ընկհ. Սիլվա Գույումճեան: Ինչպէս նաեւ ներկայ էր Հայ դպրոցի առաքելութեան հաւատացող հասարակութիւն մը: Ձեռնարկի բացումը կատարեց »Մայր« մասնաճիւղի ատենապետուհին ընկհ. Անայիս Չոլաքեան: Ընկերուհին բարի գալուստ մաղթեց բոլորին եւ շնորհաւորեց ներկաներուն Ամանորն ու Սուրբ Ծնունդը, ապա անդրադարձաւ Հ.Օ.Մ.ի առաքելութեան մասին, եւ նշեց որ Հ.Օ.Մ.ը ժողովուրդէն կ’առնէ եւ ետ ժողովուրդին կու տայ: Ապա խնդրեց, որ ոտքի կանգնին սրահին մէջ գտնուող բոլոր Հ.Օ.Մ.ուհիները: Ներկաները ծափահարութիւններով գնահատեցին Հ.Օ.Մ.ուհիներու աշխատանքը: Անոնց յարատեւ եւ անսահման զոհողութեամբ եւ պարտաճանաչութեամբ է որ Հ.Օ.Մ.ը յարատեւած է 100 երկար տարիներ: Ապա ընկերուհիներէն խնդրեց փոխանցեն սերունդէ սերունդ այս Սուրբ առաքելութիւնը, ինչպէս որ իրենք ժառանգած են իրենց նախորդներէն: Ընկհ. Անայիս աւարտեց իր խօսքը ըսելով թէ պէտքէ լաւ միջոցներ ապահովել հայ փոքրիկին զարգացման եւ հայեցի դաստիարակութեան համար: Ապա Սուրբ. Լուսաւորիչ Եկեղեցւոյ հովիւ, Արժ. Տ. Քհնյ. Լագիսեանի օրհնութեամբ կատարուեցաւ ճաշկերոյթին բացումը: Ան շնորհակալութիւն յայտնեց »Մայր« մասնաճիւղին որ միշտ նեցուկ կանգնածէ եւ ձեռք ձեռքի տուած ,համագործակծութեամբ աշխատած է Սուրբ. Լուսաւորիչ »Մայր« եկեղեցւոյ եւ Ամենօրեայ վարժարանին հետ: Ճաշկերոյթը անցաւ շատ խանդավառ մթնոլորտի մէջ, շնորհիւ Հայկական նուագին եւ երգին կատարողութեամբ Նշան Քիրամիտճեանին: Համեղ ճաշերը պատրաստած էին Հ.Օ.Մ.ի »Մայր« մասնաճիւղի ժրաջան ընկերուհիները: Ապա բեմ հրաւիրուեցաւ Հ.Օ.Մ.ի Շրջանային Վարչութեան ատենապետուհին՝ ընկհ. Սիլվա Գույումճեան Հ.Օ.Մ.ի խօսքը ըսելու:Ան հակիրճ կերպով ներկայացուց Հ.Օ.Մ.ի գործունէութիւնը եւ լայնածաւալ աշխատանքները իր հիմնադրման օրէն մինչեւ այսօր, մեր ժողովուրդի ապագայ սերունդներուն համար թէ° Սփիւռքի եւ թէ° Հայաստանի մէջ: Ընկհ.Սիլվա իր խօսքի աւարտին յայտարարեց Շրջանային Վարչութեան կողմէ հազար տոլարի սրտաբուխ նուիրատուութիւնը Սուրբ. Լուսաւորիչ Ամենօրեայ Վարժարանին:Այս օրինակէն խանդավառուած նուիրատուութիւններ կատարուեցան նաեւ կարգ մը ուրիշ անհատներու կողմէ: Բոլոր նուիրատուները սրտաբուխ նուիրեցին յարգելով ճաշկերոյթին նպատակը, մաղթելով որ հայ դպրոցը մնայ ու շարունակէ իր վերելքը: Շնորհակալութիւն բոլոր նուիրատուներուն: Բեմ հրաուիրուեցաւ Սուրբ Լուսաւորիչ Ամենօրեայ վարժարանի խնամակալ մարմնի ատենապետ՝ Դոկտ. Հրանդ Մարգարեան , որը նախ շնորհակալութիւն յայտնեց Հ.Օ.Մ.ի »Մայր« մասնաճիւղին եւ ներկաներուն այսօրուայ ճաշկերոյթին համար: Ապա յայտարարեց դպրոցի խնամակալ մարմնի պատրաստակամութիւնը անխտիր ընդունելու բոլոր Հայ աշակերտները, որոնք նիւթական դժուարութիւններ ունին: Շեշտեց ի նպաստ վարժարանին ծրագրուած կարգ մը յաջորդական ձեռնարկներու շարքը: Փետրուար 27ին »Հասութաբեր Ձեռնարկ« կազմակերպուած՝ »Սուրբ Լուսաւորիչ Ամենօրեայ Վարժարանի Բարեկամներ«ու կողմէ: Տեղի պիտի ունենայ նաեւ »Silent Auction« կազմակերպուած Ընկհ. Անահիտ Ուղուրլեանի միջոցաւ եւ նկարչական ցուցահանդէս մը կազմակերպուած Արեւիկ եւ Արա Գաբրիէլեաններու կողմէ: Տեղի ունեցաւ անխուսափելի վիճակահանութիւնը որ վարեց ընկհ. Սօնիա Պզտիկեան եւ բախտաւորները գեղեցիկ նուէրներով մեկնեցան: Ճաշկերոյթի աւարտին ընկհ. Անայիս Չոլաքեան շնորհակալութիւն յայտնեց բոլոր անոնց որոնք ճիգ չի խնայեցին այս ձեռնարկի յաջողութեան, համար.յատկապէս ներկաները, նուիրատուները եւ մանաւանդ Հ.Օ.Մ.ի ընկերուհիները: Իսկապէս յարգանքի արժանի են բոլոր անոնք որոնք նեցուկ կանգնեցան եւ իրենց լաւագոյնը տրամադրեցին ի նպաստ Սուրբ Լուսաւորիչ Ամենօրեայ վարժարանի հզօրացման , յարատեւութեան եւ պայծառացման համար: Յաջողութիւն եւ նորանոր նուաճումներ կը մաղթենք ՆիւԵորքի »Մայր« մասնաճիւղին,որ ամէն տարի յատուկ ձեռնարկ մը կը կազմակերպէ ի նպաստ Սուրբ Լուսաւորիչ Ամենօրեայ Վարժարանին: Ահաւասիկ ազգային գիտակցութեամբ կազմակերպուած ձեռնարկ մը որ հասաւ իր նպատակին վերյիշեցնելով մեզմէ իւրաքանչիւրին նուազագոյն պարտքը՝ հանդէպ մեր համայնքին եւ Հայ դպրոցին: ԱՊՐԻ'Ք սիրելի ընկերուհիներ: ՄԱՐԻԱ ՇԱՄԼԵԱՆ-ԵՓՐԵՄԵԱՆ

Աղքատ… Մեծահարուստը, Կամ Վիթխարի ՄԵԾը՝ «Փեփէ» Մուխիքա

Ցեղասպանութեան Ընկերներ. Գերմանիան Ողջակիզումէն Ոչի՞նչ Սորված է

Հ.Օ.Մ.Ի «ՄԱՅՐ» ՄԱՍՆԱՃԻՒՂԻ ԿԱԶՄԱԿԵՐՊԱԾ ՃԱՇԿԵՐՈՅԹԸ Ի ՆՊԱՍՏ ՍՈՒՐԲ ԳՐԻԳՈՐ ԼՈՒՍԱՒՈՐԻՉ ԱՄԵՆՕՐԵԱՅ ՎԱՐԺԱՐԱՆԻՆ

This story is FREE for you...

Leave a Reply

ԽՈՐԷՆ ԱՐՔ. ՏՈՂՐԱՄԱՃԵԱՆ՝ ՆԻՒ ՊՐԻԹԸՆԻ ՍՈՒՐԲ ՍՏԵՓԱՆՈՍ ԵԿԵՂԵՑՒՈՅ ՆՈՐ ՀՈՎԻՒ

This story is FREE for you...

Leave a Reply

Նմանատիպ Յօդուածներ

Մահացած է Ճարտարապետ Եւ Պատմական Ժառանգութեան Պահպանութեան Նուիրեալ Վարուժան Առաքելեանը

Հ.Յ.Դ. Երիտասարդականը Մասնակցեցաւ Ընկերվար Երիտասարդներու Միջազգային Միութեան Պալքանեան Եւ Սեւ Ծովեան Տարածաշրջանային Յանձնաժողովի Նիստին

ԽՈՐԷՆ ԱՐՔ. ՏՈՂՐԱՄԱՃԵԱՆ՝ ՆԻՒ ՊՐԻԹԸՆԻ ՍՈՒՐԲ ՍՏԵՓԱՆՈՍ ԵԿԵՂԵՑՒՈՅ ՆՈՐ ՀՈՎԻՒ

Աղքատ… Մեծահարուստը, Կամ Վիթխարի ՄԵԾը՝ «Փեփէ» Մուխիքա

Ցեղասպանութեան Ընկերներ. Գերմանիան Ողջակիզումէն Ոչի՞նչ Սորված է