Հ.Յ.Դ.-ն Միակամ Է

0 0
Read Time:39 Second

Հ.Յ.Դ. Բիւրոյին հրաւէրով Մայիս 29-ին Երեւանի մէջ գումարուեցաւ Հ՚Յ՚Դ՚ Հայաստանի եւ սփիւռքի կազմակերպութիւններու ղեկավար մարմիններու խորհրդակցական ժողովը:

Նոր իրողութիւններու լոյսին տակ ժողովը հանգամանալից քննարկման առարկայ դարձուց Հայաստանի ներքաղաքական իրավիճակը, կուսակցութեան վերջին երկամսեայ գործունէութիւնը, ինչպէս նաեւ անդրադարձ կատարեց հնարաւոր քաղաքական զարգացումներուն եւ յառաջիկայ կատարելիքներուն:

Ժողովը վերահաստատեց հայաստանակեդրոն գործունէութեան նոր թափ հաղորդելու` կուսակցութեան յանձնառութիւնը եւ իր ամբողջական զօրակցութիւնը յայտնեց ժողովրդական շարժման յաղթանակին մէջ կուսակցութեան մարմիններուն կողմէ որդեգրուած քաղաքական ուղեգծին:

Ժողովը արձանագրեց, որ Հայոց պետականութեան հզօրացումն ու ամրապնդումը կը մնան համահայկական հիմնական օրակարգ եւ  գերխնդիր թէ՛ հայրենաբնակ ժողովուրդին եւ թէ՛ սփիւռքահայութեան համար:

Ժողովը արժեւորեց համաժողովրդական շարժման իբրեւ արդիւնք տեղի ունեցած վերազարթօնքը`այն համոզումով, որ հայոց պետականութեան վերականգնման 100-ամեակին ընդառաջ անիկա իրապէս կ’իմաստաւորուի, եւ կ’ունենանք նոր սկիզբ, արդար եւ հզօր Հայաստան:

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹԻՒՆ

30 մայիս 2018

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles