Հ.Յ.Դ. Կիպրոսի Պատուիրակութիւնը Հանդիպեցաւ Նախագահական Թեկնածու Նիկոս Խրիստոտուլիտիսին Հետ

0 0
Read Time:42 Second

ՆԻԿՈՍԻԱ․- Չորեքշաբթի Նոյեմբեր 30-ին, Հ․Յ․Դ․ Կիպրոսի կոմիտէն պաշտօնական հանդիպում ունեցաւ Փետրուար 2023-ին կայանալիք Կիպրոսի նախագահական ընտրութիւներու թեկնածու՝ Նիկոս Խրիստոտուլիտիսին հետ։

Հանդիպման ընթացքին Հ․Յ․Դ․ պատուիրակութիւնը թեկնածու Խրիստոտուլիտիսի առաջ բարձրացուց համայնքը յուզող կարգ մը հարցեր, որոնց շարքին Միջին Արեւելքէն եւ Հայաստանէն Կիպրոս ներգաղթած հայերու կեցութեան խնդիրները, պետական համակարգէն ներս կիպրահայերու սակաւաթիւ ներկայութիւնը եւ վերջերս «Մելգոնեան» վարժարանի կալուածներու վաճառքի շուրջ ստեղծուած մտահոգութիւնը։

Քննարկման ենթարկուեցան նաեւ Կիպրոս-Հայաստան յարաբերութիւնները եւ այն կարելիութիւնները, թէ ինչպէս Հայ Դատի համաշխարհային կառոյցը կրնայ օգտակար հանդիսանալ Կիպրոսի դատին։ Անդրադարձ եղաւ նաեւ Պաքուի մէջ գտնուող հայ ռազմագերիներու իրավիճակին։ Հանդիպումը անցաւ կառուցողական մթնոլորտի մէջ եւ Նիկոս Խրիստոտուլիտիս խոստացաւ բոլոր հարցերուն անդրադառնալ։

Հ․Յ․Դ․ Կիպրոսի պատուիրակութեան մաս կը կազմէին Հայ Դատի յանձնախումբի ատենապետը, ինչպէս նաեւ ուղեկից միութիւններու՝ Հ․Մ․Ը․Մ․-Հ․Ե․Մ․-ի ատենապետը, Համազգայինի ատենապետը եւ Հ․Օ․Մ․-ի ատենապետուհին։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles