Հ.Յ.Դ. Երիտասարդականը Մասնակցեցաւ Ընկերվարական Երիտասարդներու Միջազգային Միութեան Սեւ Ծովեան Ժողովին

0 0
Read Time:1 Minute, 4 Second

sev dzov

ԵՐԵՒԱՆ.- Հ.Յ.Դ. Բիւրոյի երիտասարդական գրասենեակը հաղորդագրութեամբ մը կը տեղեկացնէ որ Ընկերվարական երիտասարդներու միջազգային միութեան Սեւծովեան շրջանի համագործակցութեան հերթական ժողովը տեղի ունեցաւ Յուլիս 31,Օգոստոս 1-2-ին` Վրաստանի մայրաքաղաք Թիֆլիսի մէջ:
Ժողովին կը մասնակցէին մօտ երեսուն պատուիրակներ: Հ.Յ.Դ. Երիտասարդականը կը մասնակցէր մէկ ներկայացուցիչով` Կարապետ Շատոյեան:
Ժողովի հիմնական օրակարգին վրայ ընդգրկուած էին «Ինչպէ՞ս կրնանք հասարակութիւններուն մէջ փոփոխութիւն յառաջացնել» եւ «Խաղաղութեան հաստատում եւ տագնապներու կառավարում ընկերվար-ժողովրդավարական տեսանկիւնէն»:
Հ.Յ.Դ. Երիտասարդականի ներկայացուցիչ` Շատոյեան հանդէս եկաւ «Ինչպէ՞ս կրնանք հասարակութիւններուն մէջ փոփոխութիւն յառաջացնել աւելի լաւ ապագայ կերտելու համար» նիւթին մասին, մասնաւորապէս նշելով, որ «յետխորհրդային հասարակութիւններուն մէջ ընկերվարութիւն բառն իսկ կը յառաջացնէ զգուշաւորութիւն, որովհետեւ անիկա կը նոյնացուի խորհրդային ժամանակաշրջանի համայնավարութեան հետ: Լուծման տարբերակներէն մէկը ընկերվարական միջազգային կազմակերպութիւններու աւելի ընդարձակ աշխատանքները կրնան ըլլալ նշեալ հասարակութիւններուն մէջ, ուր երիտասարդութիւնը կարելիութիւն կ՛ունենայ ծանօթանալու ընկերվարական իրական արժէքներուն եւ մօտեցումներուն»:
Պատուիրակները առիթ ունեցան այցելելու Վրաստանի խորհրդարան եւ «Վրացական երազանք» կուսակցութեան գրասենեակ, ուր հանդիպում ունեցան կուսակցական եւ պետական պատասխանատուներուն հետ` քննարկելով շրջանային հարցեր: Հանդիպումներուն ընթացքին Հ.Յ.Դ. Երիտասարդականի ներկայացուցիչը նշեց, որ «Վրաստանը տարբեր մարզերու մէջ կը գործակցի Ատրպէյճանի եւ Թուրքիոյ հետ, ինչ որ պէտք չէ ազդէ հայ-վրացական փոխյարաբերութիւններու եւ Վրաստանի մէջ ապրող հայութեան իրաւունքներուն վրայ»: Ի պատասխան, վրացական կողմը վստահեցուց, որ «իրենց համար կարեւոր է Հայաստանի հետ լաւ յարաբերութիւնը եւ յատկապէս այդ յարաբերութիւններուն զարգացումը»:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles