Յունիսի լոյս 13-ի գիշերը Իսրայէլի ռազմաօդային ուժերը զանգուածային հարուածներ են հասցրել Իրանի Իսլամական Հանրապետութեանը` թիրախաւորելով միջուկային ենթակառուցուածքները, զինուորական հրամանատարութեանը, գիտնականները, քաղաքացիական շինութիւններն ու ենթակառուցուածքները:
Իրանի դէմ Իսրայէլի յարձակումն ու ռազմական ծաւալուն գործողութիւնները, հակասում են Մ.Ա.Կ.-ի կանոնադրութեանը, միջազգային իրաւունքին եւ հարուածի տակ են դնում խաղաղ ազգաբնակչութեան կեանքի իրաւունքը:
Մերձաւոր Արեւելքում ծաւալուող ռազմական գործողութիւնների եւ աշխարհաքաղաքական շարունակական ցնցումների համատեքստում Իսրայէլի գործողութիւնները խիստ մտահոգիչ են, յղի անկանխատեսելի զարգացումներով:
Իրավիճակի յետագայ ծաւալումն անխուսափելի բացասական հետեւանքներ կը թողնի, յատկապէս` խաթարելով տարածաշրջանի խիստ փխրուն կայունութիւնը, անվտանգութիւնն ու խաղաղութիւնը:
Խիստ մտահոգուած ստեղծուած իրավիճակով, Հ.Յ.Դ. Բիւրոն դատապարտում է Իրանի եւ անոր ժողովրդի դէմ Իսրայէլի գործողութիւնները եւ անընդունելի համարում միջպետական խնդիրները ռազմական ճանապարհով լուծելու քաղաքականութիւնը:
Ցաւակցում ենք զոհուածների հարազատներին եւ համոզում յայտնում, որ լայնածաւալ պատերազմից խուսափելու լաւագոյն ճանապարհը բանակցային գործընթացն է:
Հ.Յ.Դ. Բիւրօ
14 Յունիս 2025
