0
0
ՈՒԱՇԻՆԿԹԸՆ.- Սեպտեմբեր 30ին, Հայ Յեղափոխական Դաշնակցութեան Ա.Մ.Ն. Հայ Դատի յանձնախումբէն պատուիրակութիւն մը հանդիպեցաւ Նախագահ Սերժ Սարգսեանին, Ուաշինկթըն այցելութեան առթիւ:
Պատուիրակութեան մաս կը կազմէին Հ.Յ.Դ. Բիւրոյի անդամ Յակոբ Տէր Խաչատուրեան, Հ.Յ.Դ. Արեւելեան շրջանի Կեդրոնական Կոմիտէի անդամ Յովսէփ Աւագեան, Ա.Մ.Ն.-ի Հայ Դատի Յանձնախումբի նախկին ատենապետ Կարօ Արմէնեան, ԱՄՆի Հայ Դատի Յանձնախումբի ներկայ ատենապետ Քէն Հաչիկեան եւ տեղւոյն Հայ Դատի գրասենեակի գրասենեակի գործադիր տնօրէն Արամ Համբարեան:
Հանդիպման ընթացքին արծարծուեցան համազգային խնդիրներ ներառեալ Ատրպէյճանի յարձակողականութեան սրումը ինչպէս նաեւ Ներկայացուցիչներու տան անդամներ Էտ Ռոյս եւ Էլիըթ Էնկըլի ջանքերը ԵԱՀԿի՝ «արհեստական հաւասարութեան» ձախողած քաղաքականութիւնը դադրեցնելու ի պատասխան Ատրպէյճանի ռազմամոլութեան:
Հանդիպման մասնակիցները քննարկեցին նաեւ Սուրիահայերու ապահովութիւնն ու բարեկեցութիւնը, Հայաստանի Սահմանադրական բարեփոխումները, Ա.Մ.Ն.- Հայաստան տնտեսական կապերը ներառեալ նոր, երկկողմանի Հարկային Պայմանագրի մասին եւ Հայոց Ցեղասպանութեան 100րդ տարելիցը:
Նախագահ Սարգսեանին կ՚ընկերակցէին Արտաքին Գործոց Նախարար Էդուարդ Նալպանտեան, Հ.Հ. Ա.Մ.Ն.-ի մօտ դեսպան Տիգրան Սարգսեան եւ նախագահի բարձրաստիճան անձնակազմը:
