Հ.Յ.Դ. Արցախի Երիտասարդական Միութեան Այցելութիւնը՝ Ասկերանի Հրասայլ-Յուշարձանին
ՍՏԵՓԱՆԱԿԵՐՏ․- Փետրուար 23-ին, Արցախի երիտասարդական միութիւնը այցելեց Ասկերանի հրասայլ-յուշարձան, ուր մաքրութիւններ կատարելէ ետք, պարզեց Հանրապետութեան դրօշը:
Երիտասարդականները նաեւ ծաղիկներով զարդարեցին այս հրասայլ-յուշարձանը, ի յիշատակ հայրենիքի պաշտպանութեան համար նահատակուած զինուորներուն կամաւորներուն:
Նաեւ, անոնք սահմանագիծին մօտ յայտնուած հրասայլ-յուշարձանի տարածքին մօտակայ հայկական եւ Ատրպէյճանական յենակէտերը դիտարկելէ ետք, կատարեցին տարածքի մաքրման եւ բարեկարգման աշխատանքներ:
Հ.Յ.Դ. Արցախի Երիտասարդական Միութեան անդամները կոչ ուղղեցին հանրութեան մաքուր պահել եւ խնամքով վերաբերուիլ յաղթանակը խորհրդանշող այս յուշարձանին նկատմամբ:
Երիտասարդները այցելեցին նաեւ հայ սահմանապահներուն, ուր միասին ճաշեցին, զրուցեցին եւ ծանօթացան զինուորներու առօրեային:
