Հ.Մ.Ը.Մ. Տիթրոյթի Մասնաճիւղի 40-ամեակի Տօնակատարութիւն

Շանթ Ժամկոչեան Կազմակերպութեամբ Հ.Մ.Ը.Մ.ի Տիթրոյթի մասնաճիւղի վարչութեան, Կիրակի Դեկտեմբեր 4, կէսօրէ ետք ժամը 1ին, Սուրբ Սարգիս Եկեղեցւոյ Լիլիան Առաքելեան սրահէն ներս տեղի ունեցաւ մասնաճիւղիս հիմնադրութեան 40-ամեակի տօնակատարութիւնը։ Ներկայ էին օրուան պատուոյ նախագահներ՝ Տէր եւ Տիկին Հերման Խնդիրեանը, Սուրբ Սարգիս Եկեղեցւոյ հոգեւոր հովիւ Տէր Հրանդ Քահանայ Գէորգեանը, Հ.Յ.Դ. Տիթրոյթի Ազատամարտ կոմիտէի ներկայացուցիչ Րաֆֆի Ուրլեանը, Հ.Օ.Մ.ի Արեւելեան Ա.Մ.Նահանգներու Շրջանային Վարչութեան անդամ՜ Սիլվա Սաղրեան, հարակից միութիւններու ներկայացուցիչներ, ծնողներ, Հ.Մ.Ը.Մ.ի համակիրներ ու անդամներ։ Նախքան տօնակատարութիւնը, կատարուեցաւ հոգեհանգստեան արարողութիւն՝ յարգանք Հ.Մ.Ը.Մ.ական ննջեցեալներուն, Հայաստանի 1988ի երկրաշարժի զոհերուն եւ Փիրլ Հարպըրի նահատակներու անմահ յիշատակներուն։ Ձեռնարկին ազդանշանը տուաւ մասնաճիւղի ատենապետ օրուայ հանդիսավար Խաչիկ Գաֆաֆեանը: Սրահ մուտք գործեցին մասնաճիւղիս արի-արենուշները, գայլիկ-արծուիկները առաջնորդութեամբ Ամերիկայի, Հայաստանի, Արցախի և Հ.Մ.Ը.Մ.ի դռօշներով. համախմբուելով բեմին վրայ բոլորը միասին երգեցին Ամերիկայի, Հայաստանի եւ սկաուտութեան քայլերգները, ապա Տէր Հրանդ Քահանայ Գէորգեանի ճաշի օրհնութեան աղօթքին մասնակցեցան նաեւ սկաուտները: Ճաշի դադարէն ետք, մասնաճիւղի վարչութեան խօսքը փոխանցեց Խաչիկ Գաֆաֆեանը, հաստատելով թէ.- ՝՝Երախտապարտ ենք մեր մասնաճիւղի հիմնադիրներուն եւ Տիթրոյթի Հ.Յ.Դ.ի օրուայ պատասխանատու մարմնին, որոնք մեզ ճամբայ բացին՝՝։ Սկաուտները ներկայացուցին բուրքեր եւ այս առթիւ իրենց կողմէ յատուկ պատրաստուած տեսաներիզ մը, որոնցմէ ներկաները խանդավառուած գնահատեցին ծափողջոյններով։ Օրուայ պատգամաբերն էր մասնաճիւղի վաստակաւոր գործիչներէն՝ Արա Թելպէլեան: «Սփիւռքեան օտար ափերուն ծնունդ առած Հ.Մ.Ը.Մ.-ի ընթացքը դիւրին չեղաւ: Այդ մէկը արդիւնքն էր կարմիր ջարդով սփիւռք դարձած, եւ ճերմակ ջարդի ենթարկուած ժողովուրդի մը զաւակներուն զոհաբերութիւնն էր: Պարտականուէիւնը ունէր սրբազան նպատակ: Հ.Մ.Ը.Մ.-ի Տիթրոյթի մասնաճիւղին քառասնամեակը նշել, կը նշանակէ գեղեցիկ անցեալով պատմութիւն մը վերապրիլ: Նաեւ, քառասնամեակ տօնել, կը նշանակէ այս կազմակերպութէնէն պահանջել առաւել նուիրումով եւ աշխուժութեամբ հարուստ ապագայի մը տեսլականը», ըսաւ Արա Թելպէլեան: Ապա խմբապետի պաշտօնակատար՝ Կարինէ Չէօփճեան, ներկաներուն բացատրեց սկաուտական երդման արարողութեան ու փոխանցման արարողութիւններուն իմաստը ապա սկաուտները շարք կազմեցին իրենց խումբերով: Առաջին հերթին, գայլիկ-արծուիկները կատարեցին մեծ կանչը իսկ աւարտին իրենց կանոնագրային տարիքները ամբողջացուցած ինը գայլիկ-արծուիկներ կատարեցին իրենց երդումները եւ անցան սկաուտ-արենուշական շարքին, որմէ ետք իրենց դասընթացքները աւարտած արի-արենուշները ստացան իրենց համապատասխան աստիճաններն ու հաստատագրերը։ Ապա վարչութիւնը պատուեց հիմնադիր վարչութեան անդամ եղբայրները՝ Մանուէլ Քարճեան, Ճէք Նշանեան, Գէորգ Պէտիկեան, Հմայակ Փալանճեան, Յարութիւն Մարկոսեան, Ռուբէն Ֆերմանեան, Սեդրակ Գայսերեան: Օրուան պատգամաբերն ու Ազատամարտ Կոմիտէն։ Հիմնադիր վարչութեան անդամներէն Եղբայր Հմայակ Փալանճեան արտասանեց իր սրտի խօքը: Իսկ իր կարգին օրուան կնքահայր՝ Հերման Խնդիրեան փոխանցեց իր սրտի խօսքը.- «Այսօր Խմբուած ենք միասնաբար տօնելու Հայ Մարմնակրթական Ընդհանուր Միութեան Տիթրոյթի մասնաճիւղի 40ամեակը։ Մարզական անզուգական միութիւն մը որը հիմնակէտ առած էր հայ պատանի-պատանուհիներու առողջ դաստիարակութեան։ Հիմնուած 1918 Դեկտեմբեր 16-ին Պոլսոյ մէջ։ Ու այսօր մՕտ 98 տարիէ ի վեր կը շարունակէ ազնիւ, ազգանուէր, անսակարկ ու անշահախնդիր աՌաքելութիւնը։ Միշտ հաւատարիմ մնալով իր սկզբունքներուն՝ առողջ միտք, առողջ մարմնի մէջ ու միշտ ձգտելով աւելի բարձրացնելու ¢ բարձրանալու անվերապահ միտումը։ Հիմնադիրներն էին.- Յովհաննէս Հինդլեան Շաւարշ Քրիսեան Գրիգոր Յակոբեան: Այսօր կրնամ ըսել 100-է աւելի մասնաճիւղերով աշխարհի ամէն կողմ տարածուած, Միջին Արեւելք, Եւրոպա, Աւստրալիա, Ամերիկա, հիւսիսէն-հարաւ ու արեւելքէն արեւմուտք։ Սակայն աշխուժօրէն գործող ազգանուէր ու ազգօգուտ այս կազմակերպչական մարմինները գործունեայ պահելը հսկայ ծրագրումի ու աշխատանքի կը կարօտի, որուն համար միշտ պահանջքը կայ անշահախնդիր ու անսակարկ նուիրեալ անձերու օժանդակութեան։ Մեծ հաճոյքով մամուլի մէջէն երբեմն կը տեսնեմ նկարներ հանդիսութեան մը ընթացքին, տողանցքը մրջնիկներէն մինչեւ երեց սկաուտներու, ընկերակցութեամբ փողերախումբի ¢ ուրիշ առիթով տիպար սկաուտի կամ տիպար Հ.Մ.Ը.Մ.-ականի մը պարգեւատրուիլը ¢ նա մանաւանդ այն ըլլայ Տիթրոյթաբնակ մը։ Կրկին անգամ կը շնորհաւորեմ այս կազմակերպութեան յետին կեցող ու անշահախնդիր գործող իւրաքանչիւր նուիրեալ անհատը։ Առ այդ, Օն յառաջ… Յիսնամեակի տեսնուելու փափաքով, շնորհակալութիւն ¢ վարձքերնիդ կատար»: Աւարտին բոլորը միասին հատեցին այս առթիւ յատուկ պատրաստուած կարկանդակը։ Տէր Հօր սրտի խօսքէն ու պահպանիչէն ետք, բոլոր ներկաները միասին երգեցին Հ.Մ.Ը.Մ.-ի «Յառաջ Նահատակ» քայլերգը։

Աղքատ… Մեծահարուստը, Կամ Վիթխարի ՄԵԾը՝ «Փեփէ» Մուխիքա

Ցեղասպանութեան Ընկերներ. Գերմանիան Ողջակիզումէն Ոչի՞նչ Սորված է

Հ.Մ.Ը.Մ. Տիթրոյթի Մասնաճիւղի 40-ամեակի Տօնակատարութիւն

This story is FREE for you...

Leave a Reply

ԽՈՐԷՆ ԱՐՔ. ՏՈՂՐԱՄԱՃԵԱՆ՝ ՆԻՒ ՊՐԻԹԸՆԻ ՍՈՒՐԲ ՍՏԵՓԱՆՈՍ ԵԿԵՂԵՑՒՈՅ ՆՈՐ ՀՈՎԻՒ

This story is FREE for you...

Leave a Reply

Նմանատիպ Յօդուածներ

Շաքիի Հատուած Կարմիր Գիծը

ԳԵՐՄԱՆԻՈՅ ՄԷՋ ԼՈՅՍ ՏԵՍԱՒ THE TALLIS SCHOLARS ՁԱՅՆԱՅԻՆ ՀԱՄՈՅԹԻ 2017 ԹՈՒԱԿԱՆԻ ՎԵՆԵՏԻԿԵԱՆ ԲԱՑԱՌԻԿ ՀԱՄԵՐԳԻ ՆԿԱՐԱՀԱՆՈՒՄԻ ԵՒ ՁԱՅՆԱԳՐՈՒԹԵԱՆ ԶՈՅԳ ԽՏԱՍԱԼԻԿՆԵՐՈՒ ԱՐԿՂԻԿԸ

ԽՈՐԷՆ ԱՐՔ. ՏՈՂՐԱՄԱՃԵԱՆ՝ ՆԻՒ ՊՐԻԹԸՆԻ ՍՈՒՐԲ ՍՏԵՓԱՆՈՍ ԵԿԵՂԵՑՒՈՅ ՆՈՐ ՀՈՎԻՒ

Աղքատ… Մեծահարուստը, Կամ Վիթխարի ՄԵԾը՝ «Փեփէ» Մուխիքա

Ցեղասպանութեան Ընկերներ. Գերմանիան Ողջակիզումէն Ոչի՞նչ Սորված է