Հ.Մ.Ը.Մ..- ՅՈԻՇԱԳՐԻ ՍՏՈՐԱԳՐՈՒԹԻՒՆ ՍՓԻՒՌՔԻ ՆԱԽԱՐԱՐՈՒԹԵԱՆ ՀԵՏ

0 0
Read Time:1 Minute, 14 Second

p7  tchoub

Օգոստոս 3ին, Երեւանի մէջ Հ.Մ.Ը.Մ. գործակցութեան յուշագիր մը ստորագրեց Հայաստանի Հանրապետութեան սփիւռքի նախարարութեան հետ:
Ստորագրութեան արարողութիւնը տեղի ունեցաւ պաշտօնական հանդիպումով մը, որուն ներկայ գտնուեցան նախարար Հրանուշ Յակոբեան, նախարարութեան տարբեր բաժանմունքներու պատասխանատու դէմքեր եւ Հ.Մ.Ը.Մ.ական բազմանդամ պատուիրակութիւն մը, բաղկացած` Կեդրոնական վարչութեան ինը անդամներէ եւ “Մարզիկ“ պաշտօնաթերթի խմբագիրէն:
Հանդիպումի ընթացքին նախարար Հրանուշ Յակոբեան եւ Հ.Մ.Ը.Մ.ի Կեդրոնական Վարչութեան ատենապետ Գառնիկ Մկրտիչեան արտասանեցին խօսքեր եւ շեշտեցին ՀայաստանՍփիւռք գործակցութեան ամրապնդման ու ընդլայնման անհրաժեշտութիւնը: Նախարար Յակոբեան իր խօսքին մէջ մեծապէս գնահատեց Հ.Մ.Ը.Մ.ի դերը հայ երիտասարդութեան ներգրաւման եւ ազգային դաստիարակութեան գործին մէջ: Այս առիթով ան փոխանցեց հայրենի պետութեան պատրաստակամութիւնը աջակցելու հայրենիքի մէջ Հ.Մ.Ը.Մ.ի իրականացնելիք ծրագիրներուն:
Իր կարգին, Հ.Մ.Ը.Մ.ի Կեդրոնական Վարչութեան ատենապետ Գառնիկ Մկրտիչեան անդրադարձաւ Հ.Մ.Ը.Մ.ի համահայկական կառոյցին եւ սկաուտական թէ մարզական մարզերուն մէջ կատարած լայնածաւալ աշխատանքներուն: Ան շնորհակալութիւն յայտնեց նախարար Յակոբեանին` հայրենի պետութեան կողմէ Հ.Մ.Ը.Մ.ի Բիւրականի բանակավայրին կից նոր հողաշերտի մը յատկացման եւ արդիական բանակավայրի մը կառուցման համար:
Պաշտօնական խօսքերէն ետք տեղի ունեցաւ ազգային հրատապ հարցերու քննարկումզրոյց: Նախարար Յակոբեան Հ.Մ.Ը.Մ.ի պատասխանատուներուն հետ արծարծեց Հայոց Ցեղասպանութեան 100ամեակի նախապատրաստութիւններուն, հայախօսութեան նահանջի երեւոյթին եւ առհասարակ նոր սերունդին հայեցի դաստիարակութեան վերաբերող հարցեր:
Աւարտին, նախարար Հրանուշ Յակոբեան եւ Հ.Մ.Ը.Մ.ի Կեդրոնական Վարչութեան ատենապետ Գառնիկ Մկրտիչեան ստորագրեցին գործակցութեան յուշագիր մը, որ կþառաջադրէ ՀայաստանՍփիւռք գործակցութեան զարգացման հեռանկարները եւ կþընդգծէ հայ երիտասարդութեան դերակատարութեան եւ մասնակցութեան բարձրացումն ու ընդլայնումը, մարզամշակութային, կրթադաստիարակչական եւ ազգային ծրագիրներու իրականացումը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles