Հ.Մ.Ը.Մ.-Ի 11-ՐԴ ՊԱՏԳԱՄԱՒՈՐԱԿԱՆ ԺՈՂՈՎԻ ԱՒԱՐՏ

0 0
Read Time:1 Minute, 19 Second

hmem

ԵՐԵԱՆ.- Հ.Մ.Ը.Մ.-ի 11-րդ Պատգամաւորական ժողովը տեղի ունեցաւ 7-11 սեպտեմբեր 2015-ին` Աղուերանի մէջ, Հայաստան, մասնակցութեամբ Շրջանային եւ Մեկուսի 20 շրջաններէ 65 պատգամաւորներու եւ 34 հրաւիրեալներու:
Ժողովը համապարփակ քննութեան ենթարկեց Հ.Մ.Ը.Մ.-ի անցնող չորս տարիներու սերնդակերտման ու հայակերտման աշխատանքները, գնահատեց կատարուած իրագործումները եւ ապագայի հաշուոյն մշակեց նոր ծրագիրներ:
Պատգամաւորական ժողովը լայնօրէն անդրադարձաւ Հ.Մ.Ը.Մ.-ի սկաուտութիւնը, մարզական կեանքը եւ երիտասարդութիւնը յուզող հրատապ հարցերուն եւ համապատասխան որոշումներով քայլեր առաջադրեց անոնց լուծման թափ տալու նպատակով: Ժողովը քննեց նաեւ միութեան կազմակերպական ընդհանուր իրավիճակը եւ ընդգծեց Հ.Մ.Ը.Մ.-ի աշխարհասփիւռ մասնաճիւղերուն աշխատանքային դաշտերը ընդլայնելու կարելիութիւնները: Օրակարգի նիւթ դարձան նաեւ կանոնագրային տրամադրութիւններու կարգ մը բարեփոխումներ եւ միութեան «Մարզիկ» պաշտօնաթերթին ու կայքին զարգացման վերաբերող ծրագիրներ:
Պատգամաւորական 11-րդ Ընդհանուր ժողովը ճշդեց Հ.Մ.Ը.Մ.-ի յառաջիկայ տասնամեակներու զարգացման ռազմավարական ծրագիրը` համահայկական մօտեցումով (Հայաստան եւ սփիւռք): Այս իմաստով, ժողովը տուաւ հիմնական որոշումներ` հայ երիտասարդութեան ներգրաւման, Հայաստանի մէջ աշխատանքներու ընդարձակման, միութեան կազմակերպական կեանքի արդիականացման եւ արհեստագիտական նորագոյն միջոցներու օգտագործման համար:
Պատգամաւորական 11-րդ ժողովը առաջադրեց Հայաստանի առաջին Հանրապետութեան եւ Հ.Մ.Ը.Մ.-ի հիմնադրութեան զոյգ 100-ամեակներուն առիթով ձեռնարկներու կարելիութիւնները եւ թելադրեց փառաշուք տօնակատարութեամբ յիշատակել զոյգ 100-ամեակները:
Իր աշխատանքներուն աւարտին, ժողովը ընտրեց յառաջիկայ քառամեայ նստաշրջանի նոր Կեդրոնական վարչութիւնը եւ Ընդհանուր ժողովի դիւանի ներկայութեան կազմուեցաւ Կեդրոնական վարչութեան դիւանը` բաղկացած հետեւեալներ եղբայրներն.-
Գառնիկ Մկրտիչեան – ատենապետ (Լիբանան)
Րաֆֆի Կէօվօղլանեան – ատենադպիր (Լիբանան)
Վաչէ Նաճարեան – գանձապահ (Լիբանան)
Իշխան Եղիայեան (Լիբանան)
Բագրատ Եսայեան (Հայաստան)
Օշին Փիրումեան (Հայաստան)
Վիգէն Դաւթեան (Արեւմտեան Միացեալ Նահանգներ)
Հրաչ Մեսրոպեան (Արեւելեան Միացեալ Նահանգներ)
Մոսիկ Թոփուզեան (Քանատա)
Անդրանիկ Պահարեան (Ֆրանսա)
Ալեք Խաչատրեան (Լոնտոն)
Վիգէն Քորթեան (Աւստրալիա)
Արմանտօ Թորգոմեան (Հարաւային Ամերիկա)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Իսկ Ո՞վ Է Ուորլիքին Խիզախութեան Դասեր Տալու
Next post ՍԼԱՔ.- ՕՊԱՄԱՅԻ ՄԱԶԵՐԸ ՃԵՐՄԿԵՐ ԵՆ…

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles