Հ.Հ. ՆԱԽԱԳԱՀ ՍԵՐԺ ՍԱՐԳՍԵԱՆ ՈՒՆԵՑԱՒ ԻՐ ԵԼՈՅԹԸ Մ.Ա.Կ.-Ի 70-ՐԴ ՆՍՏԱՇՐԱՋԱՆԻՆ

0 0
Read Time:1 Minute, 36 Second

ssargsyan nyc

Յ. ՎԱՐԴԻՎԱՌԵԱՆ

ՆԻՒ ԵՈՐՔ.- Ըստ ընկալեալ սովորութեան, այս տարի եւս, դեսպան Պրն. Զօհրապ Մնացականեանի կողմէ հրաւիրուած էին Ամերիկայի ազգային կազմակերպութիւններու ներկայացուցիչները պաշտօնապէս ներկայ գտնուելու եւ ունկնդրելու Հայաստանի Հանրապետութեան նախագահ Սերժ Սարգսեանի ելոյթը Մ.Ա.Կ.-ի գլխաւոր Վեհաժողովի 70րդ նստաշրջանին։ Երեքշաբթի, Սեպտեմբեր 29-ին, Հ.Հ. նախագահը ունեցաւ իր ելոյթը Նիւ Եորքի ՄԱԿի կեդրոնէն ներս։
Ազգային մեր կազմակերպութիւնները կը ներկայացնէին հոգեւորականներն ու ազգայիններ, որոնց կարգին Մեծի Տանն Կիլիկիոյ Թեմի առաջնորդ Օշական Արք. Չօլոյեան, Ամենայն Հայոց Ամերիկայի Հայոց Թեմի ներկայացուցիչ` Մամիկոն Վրդ. Գիլեճեան (ներկայացնելով Առաջնորդ Խաժակ Արք. Պարսամեան, որ Էջմիածին կը գտնուէր Միւռոնօրհութեան առթիւ), Հայ Աւետարանակչական Ընկերակցութեան Տնօրէն Զաւէն Խանճեան, Հայ Կաթողիկէ Համայնքի ներկայացուցիչ Նուրհան Պեճիտեան, Հ.Յ.Դ.-ի Կեդրոնական Կոմիտէի ներկայացուցիչ Արամ Յովակիմեան, Ռ.Ա.Կ.-ի Շրջանային Վարչութեան ներկայացուցիչ Յակոբ Վարդիվառեան։
Մօտ 25 վայրկեան տեւողութիւն ունեցող ելոյթով նախագահ Սարգսեան ներկայացուց հիմնահարցերն ու մարտահրաւէրները Հայաստանի Հանրապետութեան։ Ան մանրամասնօրէն նշեց Ցեղասպանութեան Դարադարձի առթիւ ձեռք բերուած յաջողութիւնները Վատիկանի, եւրոպական ու հարաւ ամերիկեան զանազան երկիրներէն, Արցախեան հարցի խաղաղ կարգաւորման կարեւորութիւնը, Ատրպէյճանի զինուորական նախայարձակման պարագաները, տարածաշրջանի կայունութեան հիմնահարցը, Հայաստանի եւ Լեռնային Ղարաբաղի Հանրապետութեանց անվտանգութիւնն ու խաղաղ զարգացումը, Մերձաւոր Արեւելքի եւ մասնաւորաբար Սուրիոյ մէջ տեղի ունեցող տեղի անմարդկային դաժանութիւնները, Իրանի Իսլամական Հանրապետութեան հետ զանազան ծրագրերու շուրջ ձեռք բերուած պատմական նշանակութիւն ունեցող համաձայնութիւնը եւ այլ այժմեան հարցեր։
Նախագահ Սերժ Սարգսեանին կ՚ընկերակցէին ՀՀ Արտաքին Գործոց նախարար Ոդուարդ Նալպանտեան, Հ.Հ. Ուաշինկթընի մօտ դեսպան Տիգրան Սարգսեան, Հ.Հ. Մ.Ա.Կ.-ի մօտ մշտական ներկայացուցիչ Զօհրապ Մնացականեան եւ նախագահի վարչակազմի գրասենեակի տնօրէն՝ Վիգէն Սարգսեան։
Նախագահի ելոյթէն ետք, Մ.Ա.Կ.-ի կեդրոնէն ներս, առիթ տրուեցաւ ունենալու հանդիպում ամերիկահայ գաղութի ներկայացուցիչներուն հետ։ Ան տրուած հարցումներէն տուաւ լուսաբանութիւններ ինչպէս` վերջերս ատրպէյճանական կողմէ եղած նախայարձակման հետ կապուած մահերուն թիւին, ռուսական բանակին Հայաստանի մէջ եղող ուժին, ինչպէս նաեւ` անցեալ շաբաթավերջին Էջմիածնի մէջ տեղի ունեցած Միւռոնօրհնութեան արարողութեան մասնակիցներու հաւատքին կարեւորութեան։ Անդրադարձաւ նաեւ հայ զինուորին օգտակար ըլլալու անհրաժեշտութեան կոչ ընելով ամերիկահայ բարեսիրական միութիւններուն եւ անհատ բարերարներուն նկատի ունենալ հայ գինուորականին խնամատարական աջակցութիւնը։
Երեկոյեան Նախագահ Սերժ Սարգսեան իր շքախումբով մեկնեցաւ դէպի մայրաքաղաք՝ Ուաշինկթըն։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles