Հ. Հ. ԱՐՏԱՔԻՆ ԳՈՐԾՈՑ ՆԱԽԱՐԱՐՈՒԹԵԱՆ ԿԸ ՅԱՆՁՆԱՐԱՐՈՒԻ ԶԲԱՂԵԼՈՒ ԵԶԻՏԻՆԵՐՈՒ ՀԱՐՑՈՎ

0 0
Read Time:2 Minute, 0 Second

Displaced Iraqis from Sinjar flee from Isis troops Հայաստանի Հանրապետութեան նախագահին կողմէ յանձնարարականներ տրուած են Արտաքին Գործոց նախարարութեան եւ դիւանագիտական առաքելութիւններու ղեկավարներուն, միջազգային շրջանակներուն մէջ պատշաճ մակարդակով արծարծելու Իրաքի եզիտի բնակչութեան նկատմամբ շարունակուող զանգուածային բռնութիւններու եւ մարդկային բազմաթիւ զոհերու հարցը:

Այս մասին նշուած է Հայաստանի Հանրապետութեան նախագահի մամլոյ քարտուղար Արման Սաղաթելեանի հրապարակած յայտարարութեան մէջ: Սաղաթելեան տեղեկացուցած է, որ նախագահ Սարգսեան Հայաստանի վարչապետին հետ երէկ քննարկած է Հայաստանի կողմէ տրամադրուող մարդասիրական օգնութեան նախապէս ծրագրուած ծաւալները աւելցնելու հարցը, որ Հայաստանի կառավարութիւնը յառաջիկայ օրերուն պիտի լուծէ:
Նշելով, որ Հայաստան “խորապէս անհանգստացած է“ Իրաքի հիւսիսը եզիտի բնակչութեան նկատմամբ շարունակուող զանգուածային բռնութիւններու փաստով, Հայաստանի նախագահի մամլոյ բանբերը յայտարարած է. “Որեւէ ազգային եւ կրօնական փոքրամասնութեան եւ մասնաւորապէս Իրաքի եզիտիներուն նկատմամբ բռնութեան կիրարկումը բացարձակապէս անընդունելի է, եւ միջազգային հանրութիւնը պէտք է անյապաղ քայլերու ձեռնարկէ զանոնք ժամ առաջ դադրեցնելու, տուժածներուն աջակցութիւն ցուցաբերելու եւ մարդասիրական օգնութիւն տրամադրելու համար“:
“Խնդիրը պիտի շարունակէ մնալ պաշտօնական Երեւանի ուշադրութեան առարկան, եւ Հայաստանի Հանրապետութիւնը իր ուժերուն չափով հետեւողականօրէն պիտի աջակցի փորձանքի մատնուած բարեկամ եզիտի ժողովուրդին“, կը նշուի յայտարարութեան մէջ:
Նախապէս Հայաստանի Հանրապետութեան կառավարութիւնը Իրաքի եզիտիներուն 50 հազար տոլարի մարդասիրական օժանդակութիւն տրամադրելու որոշում տուած էր:
Նշենք թէ “Ուաշինկթըն Փոսթ“ թերթը լուր մը հրատարակած է Թուրքիոյ մէջ իսլամ ծայրայեղականներու գործունէութեան մասին՝ նշելով, որ Սուրիոյ իշխանութիւնները տապալելու մոլուձքով տարուած Անգարան առիթ ընծայած է իսլամ ծայրայեղականներու հզօրացման։
Կը նշուի, որ “Իսլամական Պետութիւն“ կոչուող այս ահարկու կազմակերպութիւնը իր ուժին տիրացաւ Թուրքիոյ կողմէ իր վայելած զօրակցութեան շնորհիւ։ Անոր հրամանատարներէն մէկը, որուն հետ հարցազրոյց մը կատարուած է Թուրքիոյ Ռէյհանլը քաղաքին մէջ, ըսած է. “Մեր անդամներէն ոմանք թրքական հիւանդանոցներու մէջ բուժուեցան։ Պատերազմի սկզբնական օրերուն, մեր պայքարին միացող օտարներու մեծամասնութիւնն ու պատերազմի ընթացքին գործածուած զէնքերը Թուրքիոյ վրայով հասան մեզի“։
Միջին Արեւելքի մէջ ամէնէն վախազդու խմբակը ըլլալէ առաջ, այս կազմակերպութիւնը Սուրիոյ սահմանին վրայ թրքական գիւղաքաղաքները օգտագործած է իբրեւ առեւտուրի կեդրոն, եւ Թուրքիա այս տարածքը տրամադրած է որպէս կեդրոն՝ պատերազմի գացող օտարներուն ու անոնց զէնքերու փոխադրութեան։
Թերթը կ՛եզրակացնէ, որ յիշեալ կազմակերպութիւնը իր յաջողութիւնը մասամբ կը պարտի թուրքերուն՝ աւելցնելով, որ այժմ “Թուրքիա իր ցանածը կը քաղէ“։
Ռէյհանլըի քաղաքապետ Թամեր Ափիշ թերթին յայտնած է, որ Թուրքիա Սուրիոյ նախագահ Պաշշար Ասատի դէմ եղողները գոհունակութեամբ դիմաւորած է, իսկ հիմա անոնք “կը սպաննեն, իրենց հիւանդութիւնները կը տարածեն եւ Թուրքիոյ կատարած բարիքին փոխարէն չարիք կը բերեն, իսկ այս բոլորին գինը մե՛նք բոլորս կը հատուցենք“։
“Ուաշինկթըն Փոսթ“ի համաձայն՝ ծայրայեղականները իրենց հակակշիռին տակ գտնուող տարածքներէն դէպի Թուրքիա փախստական ձեւով քարիւղ կը փոխադրեն, սահմանին վրայ ապօրինի կերպով զէնքի եւ ապրանքի փոխադրութիւն կը կատարեն։ Թուրքիա, այս ապօրինութիւններուն վերջ տալու համար, որոշ քայլերու դիմած է, բայց անոնք բաւարար չեն եղած։

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles