Հ․Յ․Դ․-ի 131-ամեակի Նշում Լոս Անճելըսի Մէջ

0 0
Read Time:2 Minute, 28 Second

ԿԼԵՆՏԷՅԼ («Օրակարգ»)․- Ապրիլ 3-ին Կլենտէլի «Ալեքս» թատրոնին մէջ տեղի ունեցաւ Հ.Յ.Դ. օրուան 131-ամեակի ոգեկոչման արարողութիւն, Հայ Յեղափոխական Դաշնակցութեան Արեւմտեան Ամերիկայի Միացեալ Նահանգներու Կեդրոնական կոմիտէին նախաձեռնութեամբ:

Յայտագիրը սկսաւ Հ.Մ.Ը.Մ.-ի սկաուտներուն կողմէ կատարուած դրօշակի արարողութեամբ եւ քայլերգներով։  Օրուան հանդիսավարը` Տիգրան Սասունեան, ողջունեց ներկաները եւ ընդհանուր կերպով լուսարձակի տակ առաւ Դաշնակցութեան անցեալի եւ ներկայի մարտահրաւէրները` հաստատելով, որ ոչ մէկ ուժ կրնայ կասեցնել Հ.Յ.Դ.-ի ընթացքը։

Ցուցադրուեցան Հ.Յ.Դ.-ի պատմութենէն դրուագներ` կուսակցութեան հիմնադրութեան օրերէն մինչ ներկայ օրերը, յատկապէս լուսարձակի տակ առնելով հայրենի պետականութեան ստեղծման եւ ամրակայման առումով Դաշնակցութեան ունեցած դերակատարութեան:

Հայ երիտասարդաց Դաշնակցութեան Միացեալ Նահանգներու Արեւմտեան շրջանի ներկայացուցիչին Փրենի Ալավերդեան անգլերէնով փոխանցեց երիտասարդութեան խօսքը:

Հ.Յ.Դ. Արեւմտեան Միացեալ Նահանգներու Կեդրոնական կոմիտէի խօսքը փոխանցեց կոմիտէի անդամ Խաչիկ Թազեան: Բացատրելով Հայաստանի ու հայաշխարհի վերջին երկու տարիներու անցուդարձները եւ մեր առջեւ ծառացած մարտահրաւէրները` ան ըսաւ. «Այսօր կու գանք հաստատելու, որ Արեւմտեան Ամերիկայի Հ․Յ․Դ․-ի շարքերը չեն կրնար զլանալ մաս կազմել այն պայքարին, որ անգամ մը եւս պարտադրուած է հայ ժողովուրդին: Մենք այսօր կու գանք մարտահրաւէրը ընդունելու, եւ հռչակելու վերանորոգ պայքարի վճռակամութիւն, ընդլայնուած դաշտ, արագացուած թափ եւ յաւելեալ կազմակերպուածութիւն: Ժամն է հասած միասնականութեան եւ մերժելու բոլոր այն փորձերը եւ դաւադրութիւնները, որոնք կը միտին տկարացնել մեր կամքը, մեր վճռականութիւնը եւ կարողականութիւնը»:

Տեսաուղերձներով ներկաներուն իրենց պատգամները յղեցին Հ.Յ.Դ. Բիւրոյի Երիտասարդական գրասենեակի ներկայացուցիչ Արշակ Մեսրոպեան, Հ.Յ.Դ. Արցախի Կեդրոնական կոմիտէի ներկայացուցիչը,  Հ.Յ.Դ. Գերագոյն մարմնի ներկայացուցիչ Իշխան Սաղաթելեան։

Հ.Յ.Դ.-ի նուիրուած տօնակատարութեան հիմնական պատգամաբերն էր Հ.Յ.Դ.-ի անդամ, Հայաստանի Ազգային ժողովի «Հայաստան» խմբակցութեան պատգամաւոր Արթուր Խաչատրեան (Սեղմել.- https://hairenikweekly.com/%d5%b0-%d5%b5-%d5%a4-%d6%85%d6%80%d5%b8%d6%82%d5%a1%d5%b5-%d5%bf%d6%85%d5%b6%d5%a1%d5%af%d5%a1%d5%bf%d5%a1%d6%80%d5%b8%d6%82%d5%a9%d5%ab%d6%82%d5%b6-%d5%ac%d5%b8%d5%bd-%d5%a1%d5%b6%d5%b3%d5%a5/)

Ձեռնարկին վերջին պաշտօնական խօսքը արտասանեց Հ.Յ.Դ. Բիւրոյի անդամ Խաժակ Մկրտիչեան (Սեղմել.- https://hairenikweekly.com/%d5%b0%e2%80%a4%d5%b5%e2%80%a4%d5%a4%e2%80%a4-%d6%85%d6%80%d5%b8%d6%82%d5%a1%d5%b5-%d5%bf%d6%85%d5%b6%d5%a1%d5%af%d5%a1%d5%bf%d5%a1%d6%80%d5%b8%d6%82%d5%a9%d5%a5%d5%a1%d5%b6-%d5%ac%d5%b8%d5%bd/)

Տօնակատարութեան ընթացքին պաշտօնապէս յայտարարուեցաւ հրատարակութեան մասին Կեդրոնական կոմիտէն պաշտօնաթերթ «Օրակարգ»-ին, որուն առաջին թիւի տպագիր օրինակը բաժնուեցաւ ներկաներուն, իսկ թերթը ընդհանրապէս պիտի ըլլայ առցանց եւ երկլեզու։

Յայտագիրին ընթացքին ցուցադրուեցան երիտասարդական եւ պատանեկան միութիւններու աշխատանքները ներկայացնող տեսերիզ: Ուշագրաւ եւ տպաւորիչ էր Համբիկ Սասունեանի պատգամը` պատանեկան միութեան բանակումի մասնակիցներուն: Ցուցադրուեցան նաեւ պատկերներն ու անունները վերջին 2 տարիներուն առյաւէտ բաժնուած շրջանի ընկերներուն ու ընկերուհիներուն:

Ձեռնարկի փակումին կատարեց յեղափոխական երգերու մեկնաբան Գառնիկ Սարգսեանը` դաշնամուրի ընկերակցութեամբ Արմէն Բաբայեանի, մեկնաբանելով «Ախ հայրենիք» եւ «Կուկունեանի յիշատակին» երգերը, իսկ փակումը կատարեց «Արիւնոտ դրօշ»-ով:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՀԱՅԱՍՏԱՆԻ ԵՒ ՀԱՅՈՒԹԵԱՆ, ՀԱՅՐԵՆԱԲՆԱԿԻ ԵՒ ՍՓԻՒՌՔ(ՆԵՐ)Ի ԱԶԳԱՅԻՆ ՔԱՂԱՔԱԿԱՆՈՒԹԻՒՆ
Next post ՎԵՐՋԻՆ ԲԱՆԱՍՏԵՂԾՈՒԹԻՒՆ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles