0
0
Փետրուար 25-ի երԵկոյեան ժամը 8-ին, Տիթրոյթի Հայ Կեդրոնի մարզասրահէն ներս, տեղի ունեցաւ Արցախի նուիրուած ձեռնարկը, կազմակերպութեամբ Հ.Մ.Ը.Մ.-ի Տիթրոյթի Վարչութեան:
Բացումը կատարուեցաւ դրօշակի արարողութեամբ, երեք երկիրներու՝ Ա․Մ․Ն․-ի, Հայաստանի եւ Արցախի Հանրապետութեան քայլերգներով։
Հանդիսութեան բացումը կատարեց մասնաճիւղի Ատենապետ Շանթ Ժամկոչեան, որ առաջին հերթին ներկաները հրաւիրեց մէկ վայրկեան յոտնկայս լռութեամբ հարգելու համար Արցախի ազատագրական պայգարի ճամբուն վրայ զոհուած նահատակները, ապա փոխանցեց օրուան խորհուրդը, շնորհակալութիւն յատնեց ներկաներուն եւ յատկապես ծնողներուն մասնակցութեան ու քաջալերանքին համար։
Սկաուտները՝ իրենց կարգին, «Բարի Գալուստ»-ի կանչերով ողջունեցին ներկաները եւ ազգային-հայրենասիրական երգերով խանդավառեցին հանդիսատեսները։
Ընթրիքէն առաջ, սկաուտները աղօթեցին եւ ներկաները հրաւիրեցին ծնողներու կողմէ պատրաստուած աւանդական մեծ պահքի ճաշատեսակներու սեղանին։
Արցախի գոյապայքարի հանգրուանները հակիրճ, քարտէզներու միջոցով ներկայացուց Շանթ Ժամկոչեան։ Ան նաեւ անդրադարձաւ սփիւռքահայութեան դերակատարութեան եւ շրջափակման այսօրուան իրավիճակին։
Այնուհետեւ նորընծայ կարգ ստացած Արի-Արենուշներ՝ Գաթիա Միրաչեան, Փաթիլ Ժամկոչեան, Սագօ Տօնիկեան, Արեգ Ուրլեան, Պէրճ Ուրլեան, Անթընի Միրաչեան եւ Կարէն Կիւլեան կատարեցին խոստման արարողութիւն՝ խոստանալով հաւատարիմ ըլլալ Աստուծոյ եւ ծառայել ազգին ու հայրենիքին. Ստանալով իրենց սկաուտական փողկապները եւ նորընծայ կարգի կրծքանշանները վերադարձան իրենց շարքերը։
12 տարին լրացուցած գայլիկ-արծուիկները մօտեցան պարանին եւ ցատկերլով փոխանցուեցան արի-արենոյշ խումբ։
Հերթը փոքրիկներունն էր։ Մասնաճիւղին նոր միացած գայլիկ-արծուկիները իրենց հերթին խոստացան ընել իրենց կարելին հաւատարիմ ըլլալու Աստուծոյ, հայրենիքին, ծնողքին և վոհմակի օրէնքին։
Ձեռնարկը ընթացաւ յաջող, ներկաները լաւ տպաւորութիւնեերով, իսկ սկաուտները նոր ծրագիրներ իրականցնելու եռանդով լեցուած հեռացան։
Ձեռնարկը փակուեցաւ Հ.Մ.Ը.Մ.-ի «Յառաջ Նահատակ» քայլերգով:
Քոյր Նարօտ Քէյվանեան
