ՀՌՉԱԿԱԳՐԻ ՀՐԱՊԱՐԱԿՄԱՆ ԱՌԹԻՒ

0 0
Read Time:1 Minute, 32 Second

100amiag

 

 

ՀԱՅՐԵՆԻՔ

Խմբագրական

Փետրուար 2, 2015

 

Արդիականացած Աշխարհի ընթացքին հետ կþընթանայ Հայոց Ցեղասպանութեան Հարիւրամեակը:

Վայրկեան մը երեւակայենք թէ, հսկայական պաստառին վրայ, օրերը մէկ առ մէկ կը պակսին…մինչեւ այդ թուականը:

Յունուար 2015-ի աւարտին, Ծիծեռնակաբերդի յուշահամալիրին մէջ, տեղի ունեցած Հայոց Ցեղասպանութեան հարիւրերոդ տարելիցի համահայկական հռչակագիրի հրապարակման արարողութիւնն ալ այս հոսքին մաս կը կազմէ:

Այս իրադարձութիւններուն եւ մտորումներուն ընդմէջէն, տեղին է հարցադրել թէ երբ կÿըսենք Ցեղասպանութեան Հարիւրամեակ, ինչո՞ւ անոր անմիջականօրէն չենք միացներ, հայրենահանումը, որուն հետեւանքով բազմահազար հայեր ցիր ու ցան եղած…ստեղծած են գաղթօճախներ:

Ժամանակն է իրապաշտ ձեւով մօտենալ եւ հեռու մնալ զգացական բնաշխարհէն եւ անշուշտ գործնական որոշումներ կիրարկել: Բնական է որ պետական բարձր մակարդակի հետեւողական աշխատանք կայ կատարուելիք:

Պէտք է որ խօսինք հայրենահանման մասին…Պէտք է որ արծարծենք բռնագրաւուած Հայաստանի ազատագրման ու հատուցման հարցերը:

Յիսուն տարի առաջ, երբ հայորդին Երեւանի մէջ նշեց Յիսնամեակը, այդ Խորհրդային դաժան օրերուն, չկային վերոյիշեալ մտահոգութիւնները: Միայն պատահած ահաւոր դէպքն էր որ կը յիշուէր:

Այսօր վերանկախացած Հայաստանը, շատ աւելի լայնածաւալ մակարդակի վրայ եւ հայրենահանման ու հատուցման պահանջներով է որ պիտի ընթանայ:

Անշուշտ, այդ հռչակագիրի պատրաստութիւնն ու կարեւոր յանձնախումբերու եւ մարմիններու առաքումով չաւարտիր հարցը: Աշխատանք կայ կատարուելիք…քարոզչական, հետեւողական հետապնդման եւ լոպիինկի:

Այս գծով, արդէն իսկ յատկապէս միջազգային քաղաքականութեան բնագաւառէն ներս, հանդուրժողականութեան դրօշակակիր Թուրքիան եւ իր վարձկան պատմագէտները, կարծեցեալ իմաստութիւն եւ հասկացողութեան ոգի կը ցուցաբերեն, եւ նոյնիսկ հարցը իր ամբողջական էութեամբ կը շրջանցեն, եւ կը յաւակնին հարցադրումի տակ առնելով…թէ պատմաբանները թող քննեն եւ եզրակացնեն, հրապարակելու համար հայկական Ցեղասպանութեան գոյութիւնն ու իսկութիւնը:

Քստմնելի, սադրիչ եւ առհամարհական տրամաբանութիւն: Կարելի՞ է հարցադրումի տակ առնել կատարելապէս իրագործուած ահաւոր անցեալ մը, որուն մասին, ամենայն ճշգրտութեամբ բացատրեցին Հայաստանի եւ հայութեան  շահերը մարդկային իրաւանց եւրոպական դատարանի մօտ ներկայացնող միջազգային համբաւի երկու փաստաբաններ՝ Ճեֆրի Ռոպերթսըն եւ Ամալ Քլունի, դեռ շաբաթ մը առաջ, Սթրազպուրկի մէջ, տեղի ունեցած թուրք ազգայնական Տողու Փերինչէքի դէմ դատին:

Անոնց արտայայտած ցասումը շատ աւելի ազդեցիկ էր, քան Միացեալ Ազգերու Կազմակերպութեան Ընդհանուր Քարտուղարին ղրկուելիք հռչակագիրին օրինակը…:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles