Լրահոս
ՀԱՈՒԱՅԻ ՃԱՆՉՑԱՒ ՀԱՅՈՑ ՑԵՂԱՍՊԱՆՈՒԹԻՒՆԸ
ՀՈՆՈԼՈՒԼՈՒ.- Միացեալ Նահանգներու Հաուայի նահանգի Ծերակոյտը անցեալ շաբաթ միաձայնութեամբ որդեգրած է բանաձեւ մը` ճանչնալով Հայոց Ցեղասպանութիւնը եւ Ապրիլ 24ը հռչակելով Ցեղասպանութեան զոհերու յիշատակման օր:
Բանաձեւի որդեգրումին ներկայ էր հայ համայնքի ներկայացուցիչ Արթուր Արթենեան: Բանաձեւը ներկայացուցած են ծերակուտականներ Սիւզըն Չան Օքլընտ, Տանըվըն Տելա Քրուզ, Ուիլ Էսփերօ, Պրին Հարիմոթօ, Լես Իհարա կրտսերը եւ ուրիշներ: Որդեգրուած բանաձեւին մէջ կը նշուի.- “Ծերակոյտը կը միանայ Հաուայի Ներկայացուցիչներու Տան, ամերիկահայ համայնքին եւ ամբողջ աշխարհով սփռուած հայերուն` ճանչնալով եւ յարգելով Հայոց Ցեղասպանութեան զոհերու յիշատակը, կոչ ուղղելով աշխարհի բոլոր մարդոց երբեք չմոռնալու մարդկութեան դէմ այդ սարսափելի յանցագործութիւնը“:
