Հանդիպում` Ֆրանսայի Դեսպանին Հետ

0 0
Read Time:39 Second

france
ԵՐԵՒԱՆ.- Հայաստանի Հանրապետութեան մէջ Ֆրանսայի Հանրապետութեան արտակարգ եւ լիազօր դեսպան Ժան-Ֆրանսուա Շարփանթիէի հրաւէրով, Սեպտեմբեր 18-ին, Հ.Յ.Դ. Բիւրոյի քաղաքական ներկայացուցիչ Արմէն Ռուստամեան, Հայաստանի Գերագոյն մարմինի ներկայացուցիչ Աղուան Վարդանեան եւ Գերագոյն մարմինի անդամ Արսէն Համբարձումեան այցելեցին Ֆրանսայի դեսպանատուն:
Հանդիպումին ընթացքին քննարկուեցան փոխադարձ հետաքրքրութիւն ներկայացնող հարցեր: Քննարկուեցան նաեւ Արցախեան բանակցային հոլովոյթի, հայ-ազերի շփման գիծին վրայ տիրող լարուածութեան, ինչպէս նաեւ սահմանադրական բարեփոխումներու հոլովոյթին հետ կապուած հարցեր:
Հանդիպումին ընթացքին քննարկուեցաւ Ֆրանսա մուտքի արտօնութեան տրամադրման հետ կապուած կարգ մը դժուարութիւններու հարցը, որուն կապակցութեամբ դեսպանը վստահեցուց, որ այս առումով որեւէ արհեստական խոչընդոտ չկայ, եւ ամէն ինչ կը կատարուի ընթացակարգային դժուարութիւնները վերացնելու ուղղութեամբ:
Յատկապէս, նշուեցաւ թէ կարեւոր են հայ-ֆրանսական տնտեսական յարաբերութիւնները, նաեւ առաջնահերթ նկատուեցաւ Ֆրանսա-Հայաստան-Իրան տնտեսական բազմակողմանի յարաբերութիւններու զարգացման, ներառեալ` շրջանային համագործակցութեան ծրագիրներու իրականացման ուղղութեամբ գործնական քայլերու ձեռնարկումը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles