Հանդիպում Հայ Դատի Յանձնախումբերու Պատասխանատուներուն Հետ

0 0
Read Time:1 Minute, 5 Second

p2-3-nalbandia

Դեկտեմբեր 11-ին Փարիզի մէջ տեղի ունեցաւ Հայաստանի Արտաքին Գործոց նախարար Եդուարդ Նալպանտեանի, եւրոպական միջազգային կառոյցներու մէջ Հայաստանի մնայուն ներկայացուցիչներու հանդիպումը Հայ դատի գրասենեակներու պատասխանատուներուն հետ` Հայ դատի կեդրոնական խորհուրդի ղեկավար Յակոբ Տէր Խաչատուրեանի գլխաւորութեամբ:
Եդուարդ Նալպանտեան Հայ Դատի յանձնախումբերու ղեկավարներուն ներկայացուց Համպուրկի մէջ տեղի ունեցած ԵԱՀԿ-ի արտաքին գործոց նախարարներու խորհուրդի նիստին արդիւնքները, Մինսքի խմբակի համանախագահ երկիրներու արտաքին քաղաքական նախարարութիւններու ղեկավարներուն միացեալ յայտարարութիւնը, ապրիլին Արցախի դէմ ազրպէյճանական յարձակումին հետեւանքներու յաղթահարման ուղղութեամբ Հայաստանի եւ ԵԱՀԿ-ի Մինսքի խմբակի համանախագահ երկիրներուն կողմէ ի գործ դրուող ջանքերը:
Նախարար Նալպանտեան Հայ Դատի գրասենեակներու պատասխանատուներուն տեղեկութիւններ տուաւ Ֆրանսախօսութեան միջազգային կազմակերպութեան վեհաժողովին արդիւնքներուն, Երեւանի մէջ տեղի ունենալիք Ֆրանսախօսութեան վեհաժողովի նախապատրաստական աշխատանքներուն մասին:
Հանդիպումին ընթացքին միտքեր փոխանակուեցան Հայաստան-Եւրոպական Միութիւն յարաբերութիւններու իրաւական նոր շրջանակային փաստաթուղթի շուրջ բանակցութիւններու ընթացքին, մուտքի արտօնագրային դրութեան ազատականացման առնչուող երկխօսութեան սկզբնաւորման վերաբերեալ:
Հանդիպումին մասնակիցները քննարկեցին համահայկական կարեւորութիւն ունեցող շարք մը հարցեր:
Հայ Դատի յանձնախումբերուն կողմէ հանդիպումին մասնակցեցան Հ.Յ.Դ. Բիւրոյի անդամներ Արմէն Ռուստամեան, Վիգէն Բաղումեան, Մուրատ Փափազեան, Կիրօ Մանոյեան, Եւրոպայի Հայ դատի յանձնախումբի Պրիւքսէլի գրասենեակի պատասխանատու Գասպար Կարապետեան, Միջին Արեւելքի Հայ դատի գրասենեակի պատասխանատու Վերա Եագուպեան եւ Ֆրանսայի Հայ Դատի յանձնախումբի ատենապետ Յարութ Մարտիրոսեան:
Այս տարուան երկրորդ հանդիպումն էր, որ կը կատարուէր: Առաջինը տեղի ունեցած էր Երեւանի մէջ, Մայիս 7-ին, Հայ Դատի կեդրոնական խորհուրդի եւ շրջանային յանձնախումբերու եւ գրասենեակներու ներկայացուցիչներուն ու արտաքին գործոց նախարարութեան ղեկավարութեան մասնակցութեամբ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles