ՀԱՆԴԻՊՈՒՄ ԵԱՀԿ-Ի Ա.Մ.Ն.-Ի ՆԵՐԿԱՅԱՑՈՒՑԻՉ ՈՒՈՐԼԻՔԻ ՀԵՏ

0 0
Read Time:1 Minute, 9 Second

Warlick_ARF_meeting
ՈՒԱՇԻՆԿԹԸՆ.- Ա.Մ.Ն. Արեւելեան եւ Արեւմտեան շրջաններու Հ.Յ.Դ. Կեդրոնական Կոմիտէներու ներկայացուցիչներ՝ Հայկ Օշական եւ Տարօն Տէր Խաչատուրեան, Հայ Դատի Կեդրոնական Յանձնախումբի ղեկավար՝ Րաֆֆի Համբարեանի եւ պետական յարաբերական մարզի պատասխանատու Քէյթ Նահապետեանի հետ, տեսակցութիւն մը ունեցան Արցախի հիմնահարցի գծով զբաղուող Մինսքի ԵԱՀԿ-ի խումբի Ա.Մ.Ն.-ի համանախագահ Ճէյմս Ուորլիքի հետ:
Վերջին շաբաթներուն Արցախի ծանր ընդհարումներու լոյսին տակ, պատուիրակութիւնը փոխանցեց համանագահ Ուորլիքին, որ Ատրպէյճանի դէմ հետախուզութեան աշխատանք կատարուի, հիմնուելով ամերիկեան ռազմական օժանդակութիւններուն առնչուող «Լիհիի օրէնք»ին վրայ, նկատի ունենալով այն իրողութիւնը, որ վստահելի աղբիւրներ հաստատած են, թէ Ատրպէյճանի բանակը մարդկային իրաւանց միջազգային օրէնքներու խախտումներ կը կատարէ։ Աւելին, Ատրպէյճանի պաշտպանութեան նախարարը սպառնացած է ռմբակոծել Արցախի մայրաքաղաք՝ Ստեփանակերտը:
Նաեւ, պատուիրակութիւնը շեշտեց թէ հայ-ատրպէյճանական սահմանի շփման գիծին վրայ զինադադարի պահպանման մասին, քոնկրէսականներ՝ Էտ Ռոյսի եւ Էլիըթ Էնկըլի հետեւողական հսկումի առաջարկները պէտք է որ կիրարկուին: Նշենք թէ, անցեալ տարեվերջին Էտ Ռոյս կոչ ըրած էր, որ Հայաստանի եւ Արցախի վրայ Ատրպէյճանի սաստկացող յարձակումներուն գծով լսումներ կազմակերպուին ԵԱՀԿ-ի Մինսքի խմբակի ամերիկացի համանախագահ Ճէյմզ Ուորլիքի հետ։
Ռոյսի եւ Էնկըլի կողմէ Ուորլիքին եւ Միացեալ Նահանգներու արտաքին գործոց նախարարութեան հասցէագրուած առաջարկներուն կը զօրակցին աւելի քան 90 քոնկրեսականներ։ Առաջարկներն են՝ արձակազէններու հեռացումը շփման գիծէն, յարձակումներու պատասխանատուն բացայայտելու նպաստող սարքերու տեղադրում եւ ԵԱՀԿի յաւելեալ դէտերու հաստատում։ Հայաստան եւ Արցախ արդէն իսկ համաձայնութիւն յայտնած են այս պայմաններուն, սակայն Ատրպէյճան տակաւին կ՛ընդդիմանայ անոնց։
Հանդիպման աւարտին, պատուիրակութիւնը փոխանցեց համանախագահ Ուորլիքին, թէ հայերը միակամ պիտի պայքարին յաչս Արցախին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՀԱՆԴԻՊՈՒՄ՝ ՎԱՏԻԿԱՆԻ ՊԱՊԱԿԱՆ ՆՈՒԻՐԱԿԻ ՏԵՂԱԿԱԼԻՆ ՀԵՏ
Next post ՀԱՆԴԷՍ-ՀՐԱՎԱՌՈՒԹԵՆՆԵՐԷ ՎԵՐՋ՝ ԴԱՍԱԿԱՐԳԱՅԻՆ ՊԱՅՔԱՐԸ ՓՈԽԱՐԻՆՈՂ ՏԵՂԻ ՊԱՅՔԱՐԻ ՄԱՍԻՆ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles