Հանդիպում` Արժանթինի Դեսպանին Հետ

0 0
Read Time:57 Second

arg

ԵՐԵՒԱՆ.- Օգոստոս 31-ին, Հ.Յ.Դ. Բիւրոյի կեդրոնական գրասենեակի «Քրիստափոր Միքայէլեան» կեդրոնին մէջ տեղի ունեցաւ հանդիպում մը, Հայաստանի մէջ Արժանթինի դեսպան Կոնսալօ Ուռիոլապէյիթիանի եւ Հ.Յ.Դ. Բիւրոյի ներկայացուցիչ Հրանդ Մարգարեանի միջեւ: Հանդիպումին մասնակցեցաւ նաեւ Հ.Յ.Դ. Հայաստանի Գերագոյն մարմինի ներկայացուցիչ Աղուան Վարդանեան: Տեսակցութեան ներկայ էին նաեւ Հ.Յ.Դ. Բիւրոյի անդամ Կիրօ Մանոյեան եւ Արժանթինի դեսպանատան ներկայացուցիչ նախարար Ատրիանա Թրոթան:
Հրանդ Մարգարեան ամփոփ գիծերու մէջ ներկայացուց Հ. Յ. Դաշնակցութեան համաշխարհային կառոյցն ու գործունէութիւնը` գնահատելով Արժանթինի դրական կեցուածքը հայ ժողովուրդին վերաբերող հարցերուն նկատմամբ: Ան նաեւ շեշտը դրաւ հայ-արժանթինեան յարաբերութիւնները աւելի խորացնելու կարելիութիւններուն եւ կարեւորութեան վրայ:
Աղուան Վարդանեան իր կարգին ներկայացուց Հայաստանի քաղաքական օրակարգի ներկայի գլխաւոր հարցին` սահմանադրական բարեփոխումներուն առնչութեամբ Հ.Յ.Դ.-ի տեսակէտը եւ հաստատած, որ Հ.Յ. Դաշնակցութիւնը այդ կեցուածքը ունեցած է 25 տարի առաջ:
Դեսպան Ուռիոլապէյիթիան գնահատեց Արժանթինի հայ գաղութին դերը հայ-արժանթինեան յարաբերութիւններու զարգացման իմաստով` կարեւոր նկատելով կուսակցութիւններուն եւ խորհրդարանական խմբակցութիւններուն դերը` միջպետական յարաբերութիւններու զարգացման մէջ: Ան ընդգծեց, որ Արժանթին ընդհանրապէս կը փորձէ հաւասարակշռուած քաղաքականութիւն վարել իր արտաքին յարաբերութիւններուն մէջ եւ միշտ ալ կարեւոր նկատեց սկզբունքային մօտեցումները:Հանդիպումը աւարտած է Հայաստանի մէջ Արժանթինի դեսպանատան եւ Հ.Յ.Դ.-ի կառոյցներուն միջեւ կապերը շարունակելու պայմանաւորուածութեամբ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles