ՀԱՆԴԻՊՈՒՄ՝ ՎԱՏԻԿԱՆԻ ՊԱՊԱԿԱՆ ՆՈՒԻՐԱԿԻ ՏԵՂԱԿԱԼԻՆ ՀԵՏ

0 0
Read Time:55 Second

vatican

ՈՒԱՇԻՆԿԹԸՆ.- Երեքշաբթի, Մայիս 3-ին, Հ.Յ.Դ.-ի Ա.Մ.Ն. Արեւելեան եւ Արեւմտեան շրջանի Կեդրոնական Կոմիտէներէն պատուիրակութիւն մը, այցելեց Վատիկանի դեսպանատուն, ուր տեղի ունեցաւ մօտաւորապէս մէկ ժամ տեւողութիւն ունեցող սիրալիր հանդիպում մը:
Պատուիրակութեան մաս կը կազմէին Ա.Մ.Ն. Արեւմտեան շրջանի ներկայացուցիչ՝ Տարօն Տէր Խաչատուրեան, Ա.Մ.Ն. Արեւելեան շրջանի ներկայացուցիչ՝ Հայկ Օշական եւ Ուաշինկթընի շրջանի Կեդրոնական Կոմիտէի անդամ՝ Յովսէփ Աւագեան:
Հ.Յ.Դ. պատուիրակութեան հետ տեսակցեցաւ Վատիկանի պապական նուիրակի տեղակալ՝ մոնսինիոր Ռոլանտա Մաքրիքաս (պապական նուիրակը երկրէն դուրս կը գտնուէր): Ներկայացուեցաւ Արցախի մէջ պարզուած ներկայ իրավիճակը, եւ Հ.Յ.Դ.պատուիրակութիւնը շեշտեց թէ դժբախտաբար կարգ մը լրատուամիջոցներ չափազանցուած կրօնական բնոյթ կու տան հիմնահարցին, յաւելեալ աղաւաղում կատարելով: Նաեւ, պատուիրակութիւնը իր գնահատանքը փոխանցեց, Փրանկիսկոս Պապին յայտարարութիւններուն, Հայոց Ցեղասպանութեան ճանաչման առնչութեամբ:
Պապական նուիրակի տեղակալ՝ մոնսինիոր Ռոլանտա Մաքրիքասը շնորհակալութիւն յայտնեց եւ բաժնեց ներկայացուած մտահոգութիւնները: Նաեւ նշուեցաւ թէ, Փրանկիսկոս Պապը, յառաջիկայ Յունիսին պիտի ժամանէ Հայաստան: Այս այցելութիւնը, իր առաջնահերթ դերը պիտի ունենայ խաղաղութիւն հաստատելու եւ բանակցութիւններով լուծելու Արցախի հիմնահարցը: Շեշտուեցաւ թէ պատերազմի սպառնալիքին տակ կարելի չէ բանակցիլ:
Տեսակցութեան աւարտին, Վատիկանի պապական նուիրակի տեղակալ՝ Ռոլանտա Մաքրիքաս շնորհակալութիւն յայտնեց եւ նշեց թէ նմանօրինակ հանդիպումներ պէտք է որ հերթաբար կրկնուին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles