Հանդիպում՝ Եւրոխորհրդարանի Ընկերվարականներուն Եւ Ժողովրդավարներու Խմբակին Հետ

0 0
Read Time:1 Minute, 21 Second

brussels

ՍԹՐԱԶՊՈՒՐԿ.- Յուլիս 6-ին, Եւրոխորհրդարանի շէնքին մէջ, Հայ Յեղափոխական Դաշնակցութեան եւ Եւրոխորհրդարանի Ընկերվարականներուն եւ Ժողովրդավարներու խմբակցութեան միջեւ համագործակցութեան համաձայնագիր մը կնքուեցաւ: Համաձայնագիրը ստորագրեցին եւրոպական նշէալ խմբակցութեան նախագահ Ճիաննի Փիթելա եւ Հ.Հ. Ազգային ժողովէն ներս, Հ.Յ.Դ. խմբակցութեան ղեկավար Արմէն Ռուստամեան:
Համաձայնագիրը, հաստատելէ ետք այն սկզբունքները, որոնց հիման վրայ կողմերը որոշած են համագործակցիլ, կը թուէ համագործակցութեան նպատակով առնուելիք քայլերը:
Համաձայնութեան կնքումէն անմիջապէս ետք, Ճիաննի Փիթելա յայտարարեց թէ.- «Հայ Յեղափոխական Դաշնակցութեան հետ համագործակցութեան այս համաձայնագիրին ստորագրութիւնը կը յստակացնէ, թէ ընկերվարականներուն եւ ժողովրդավարներու խմբակը լրջութեամբ կը մօտենան Եւրոմիութեան դրացի երկիրներէն ներս գործող քաղաքական քոյր կուսակցութեան հետ սերտ կապեր հաստատելու արշաւին: Վստահ եմ, որ համագործակցութեան այս համաձայնութիւնը եւ այն իրողութիւնը, որ Հայ Յեղափոխական Դաշնակցութիւնը վերջերս իբրեւ դէտ մաս կազմած է Եւրոպական ընկերվարականներու կուսակցութեան, պիտի զօրացնէ մեր դիրքը, յառաջիկայ տարուան ընտրութիւններուն ընթացքին: Սակայն աւելի կարեւորը այն է, որ մենք այս միջոցաւ պիտի կարենանք նպաստել Եւրոպայի մէջ ընկերվար-ժողովրդավար ընտանիքը հզօրացնելու ջանքերուն, որպէսզի կարելի ըլլայ դէմ դնել ազգայնամոլութէան, ծայրայեղականութէան, ժողովրդականութէան եւ այլ մղումներու, որոնք կը տկարացնեն ժողովրդավարական կարգերը: Ազատ, անկախ, միացեալ Հայաստանի ձեր նշանաբանին խնդրեմ միացուցէք նաեւ յառաջդիմականը»:
Նման յայտարարութիւն մը կատարեց նաեւ Ընկերվարականներուն եւ Ժողովրդավարներու խմբակին փոխնախագահ եւ արտաքին եարաբերութէանց պատասխանատու Քնութ Ֆլեքընշթայն, շեշտելով յատկապէս Հայաստանի մէջ կաշառակերութէան եւ խտրականութէանց դէմ պայքարին մէջ Հայ Յեղափոխական Դաշնակցութէան դերակատարութեան կարեւորութիւնը, մանաւանդ որ ան մաս կը կազմէ կառավարութեան:
Հ.Հ. Ազգային Ժողովի Հ.Յ.Դ. խմբակցութէան ղեկավար, Հ.Յ.Դ. Բիւրոյի քաղաքական ներկայացուցիչ Արմէն Ռուստամեան հաստատեց համաձայնագրի կարեւորութիւնը, մէկ կողմէ որպէս փորձառութէան փոխանակման միջոց եւ միւս կողմէ` որպէս եւրոպական եւ հայկական քաղաքական կուսակցութիւններու ճամբով հայ-եւրոպական յարաբերութիւններու սերտացման հնարաւորութիւն:
Ստորագրութէան ներկայ էին Եւրոպայի Հայ Դատի եանձնախումբի ատենապետ Գասպար Կարապետեան եւ յանձնախումբի Պրիւքսէլի գրասենեակի աշխատակից Հեղիմէ Աւինեան:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles