ՀԱՅ ԴԱՏԻ ՅԱՆՁՆԱԽՈՒՄԲԻՆ ԹԵԿՆԱԾՈՒՆԵՐՈՒՆ ՄԵԾԱՄԱՍՆՈՒԹԻՒՆԸ ԸՆՏՐՈՒԱԾ

0 0
Read Time:1 Minute, 8 Second

ANC ՈՒԱՇԻԿԹԸՆ.- Միւս կողմէ, Ամերիկայի Հայ Դատի յանձնախումբը կը տեղեկացնէ թէ իր աջակցութիւնը ապահոված թեկնածուներուն 95 տոկոսը կրցած է ընտրուիլ:

Ամերիկայի Հայ Դատի յանձնախումբի գործադիր վարիչ Արամ Համբարեան երախտագիտութիւն յայտնեց բոլոր ամերիկահայ քուէարկողներուն, որոնք իրենց ներդրումը ունեցած են այս յաղթանակներուն: Կարեւոր յաղթանակներէն մէկն էր Իլինոյէն Պապ Տոլտի ընտրութիւնը` նկատի ունենալով, որ ան Քոնկրէսին մէջ Հայկական համախմբումի փոխատենապետը եղած էր:

Այս սուր մրցակցութիւններէն ետք, կարեւոր յաղթանակներ արձանագրածներուն շարքին են` քոնկրէսականներ Մայքըլ Կրիմ (Հայկական համախմբումի ներկայ համաատենապետ) եւ Հայոց Ցեղասպանութեան ճանաչման բանաձեւի համահեղինակ Տէյվիտ Վալատաօ:

Յաղթանակներ արձանագրած են նաեւ Հայ Դատի յանձնախումբին աջակցութիւնը ապահոված քոնկրեսական Տէյվիտ Պրեթ եւ Թետ Լիու, նաեւ ծերակուտականներ Միչ ՄըքՔանըլ ու Քերի Փիթըրզ:

Հայ քոնկրէսականներ Աննա Իշու եւ Ճեքի Սփիր եւս յաղթանակներ արձանագրեցին, ինչպէս նաեւ` նահանգային օրէնսդիր մարմիններու եւ տեղական ընտրութեանց մասնակցած հետեւեալ հայազգի թեկնածուները.- Ատրին Նազարեան եւ Խաչօ Աշաճեան (Քալիֆորնիոյ նահանգային խորհրդարանի անդամ), Քեթրին Ղազարեան (Ռոտ Այլընտի նահանգային խորհրդարանի անդամ), Սքաթ Աւետիսեան (Ռոտ Այլընտի Ուորուիք քաղաքի քաղաքապետ) ու Ռիշել Նորոյեան (Քալիֆորնիոյ Սանթա Քրուզ քաղաքի քաղաքապետական խորհուրդի անդամ):

Երեքշաբթի, Նոյեմբեր 4-ին, Միացեալ Նահանգներու տարածքին տեղի ունեցած  ընտրութիւններուն արդիւնքով, յաջորդ Քոնկրէսը պիտի գտնուի Հանրապետական կուսակցութեան ամբողջական հակակշիռին տակ: Ներկայացուցիչներու տան մէջ արդէն իսկ մեծամասնութիւն հանդիսացող Հանրապետականները կրցան բաւարար աթոռներ ապահովել` մեծամասնութիւն մը դառնալու համար նաեւ Ծերակոյտին մէջ, երկրի դաշնակցային օրէնսդիր մարմինները իրենց հսկողութեան տակ առնելով: Հանրապետականները Ներկայացուցիչներու տան մէջ իրենց դիրքերը զօրացուցին եւ շարք մը դեմոկրատականներու համակիր նահանգներու մէջ, նահանգապետական ընտրութեանց ընթացքին յաղթանակներ ապահովեցին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles