ՀԱՅ ԴԱՏԻ ԳՐԱՍԵՆԵԱԿԻ ԿՈՉԸ ԱԼԻԵՒԻ ԿԻՐԱՐԿԱԾ ՔԱՂԱՔԱԿԱՆՈՒԹԵԱՆ ԴԷՄ

0 0
Read Time:46 Second

 

th (1)  ՈՒԱՇԻՆԿԹԸՆ.- Հայ Դատի գրասենեակը Միացեալ Նահանգներու նախագահ Պարաք Օպամայի վարչակազմին կոչ կ՛ուղղէ` կանգնեցնելու Ատրպէյճանի նախագահ Իլհամ Ալիեւի “ընթացքը դէպի պատերազմ“:
Օգոստոս 8-ին գրասենեակի ղեկավար Արամ Համբարեան եւ ներկայացուցիչ Քէյթ Նահապետեան հանդիպում ունեցած են Ե.Ա.Հ.Կ.-ի Մինսքի խմբակի ամերիկացի համանախագահ Ճէյմս Ուորլիքի հետ եւ անոր կոչ ուղղած ճնշում գործադրելու Միացեալ Նահանգներու կառավարութեան վրայ` զսպելու Ատրպէյճանի անխոհեմ զինուորական թափանցումները:
Անոնք ամերիկացի դիւանագէտին փոխանցած են Հայ Դատի յանձնախումբի ատենապետ Քեն Խաչիկեանի նամակը, որուն մէջ ըսուած է, մասնաւորաբար, որ Հայաստանի եւ Լեռնային Ղարաբաղի դէմ Ալիեւի հրահրած սահմանային յարձակումներու վերջին ալիքը տասնեակ կեանքեր խլեց ու լուրջ հարուած հասցուց Ե.Ա.Հ.Կ.-ի Մինսքի խմբակի աշխատանքին:
“Ամերիկեան բաւականաչափ ուժեղ ղեկավարութեամբ Մինսքի խումբը կրնայ բնականոն հուն վերադարձնել խաղաղ հոլովոյթը` միանշանակօրէն քննադատելով Ատրպէյճանի զինուորական յարձակումները, այնուհետեւ միջազգային արշաւ սկսելով` ապահովելու, որ Պաքուն ընդունի արձակազէններու հեռացման եւ յաւելեալ դէտերու տեղակայման Մինսքի խմբակի առաջարկները, որոնց արդէն հաւանութիւն տուած են Հայաստանը եւ Լեռնային Ղարաբաղը“, շեշտած է Խաչիկեան:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles