0
0
ԵՐԵՒԱՆ.- Յունուար 16-ին, Հայաստանի պաշտպանութեան նախարար Վիգէն Սարգսեան ընդունեց Հայաստանի մէջ Միացեալ Նահանգներու արտակարգ եւ լիազօր դեսպան Ռիչըրտ Միլզը: Այս հանդիպման ընթացքին, քննուեցան պաշտպանութեան մարզի հայ-ամերիկեան երկկողմանի համագործակցութեան շրջագիծին մէջ 2017-ի ընթացքին կատարուած աշխատանքները եւ նշուեցան 2018-ի համագործակցութեան հիմնական ուղղութիւնները:
Հանդիպումին ընթացքին քննարկուած են նաեւ շրջանային անվտանգութեան առնչուող հարցեր:
Հայաստանի պաշտպանութեան նախարարը համառօտ ներկայացուց այն ուղղութիւնները, որոնք պիտի ընդգրկուին բանակի արդիականացման եօթնամեայ ծրագիրին մէջ:
Դեսպան Ռիչըրտ Միլզ շեշտեց փոխադարձ հետաքրքրութիւն ներկայացնող մարզերու մէջ Հայաստանի պաշտպանութեան նախարարութեան հետ համագործակցութիւնը շարունակելու Միացեալ Նահանգներու պաշտպանութեան նախարարութեան պատրաստակամութիւնը:
