0
0
Փրովիտենսի մէջ, Կիրակի Ապրիլ 24-ին նշուեցաւ Հայոց Ցեղասպանութեան 101-ամեակը, տեղւոյն «Նորտ Պըրիըլ Կրաունտ»ի հայոց յուշարձանի մուտքին, մասնակցութեամբ տեղւոյն Հ.Յ.Դ. «Քրիստափոր» կոմիտէութեան, Հ.Օ.Մ.-ի «Արաքս» եւ «Անի» մասնաճիւղերուն, Հ.Մ.Ը.Մ.-ին եւ «Համզգային»ին:
Կատարուեցաւ աղօթք, եւ մաէսթրօ Կոնսդանթին Պետրոսեանի ղեկավարութեամբ երգուեցան Ա.Մ.Ն.-ի եւ Հայաստանի քայլերգները:
Օրուան բանախօսն էր Պարպարա Մէրկերեանը, որ կոչ ուղղեց ներկաներուն երբեք տեղի չտալ, քաղաքական բանգաւառէն ներս կատարուած հակահայ իրադարձութիւններուն:
Նաեւ քանի մը խօսք փոխանցեցին կատռավարիչ՝ Ճինա Ռայմունտօ, ծերակուտականներ՝ Ճէք Ռիտ եւ Շելտըն Ուայթհաուզ եւ քոնկրէսականներ՝ Տէյվիտ Սիսիլին եւ Ճէյմս Լանճըվին:
Այս առթիւ, Փօլին Կեցոյեան եւ Եսթեր Քալայճեան յայտնեցին թէ տարուան Ցեղասպանութեան ուսուցիչ ընտրուած է Քաթըրին Սաման, որուն մասնագիտութիւնն է դասաւանդել Հայեց Ցեղասպանութիւնն ու Հրեաներու Ողջակիզումը:
