ՀԱՅՈՑ ՑԵՂԱՍՊԱՆՈՒԹԵԱՆ ՆՇՈՒՄ ԼՕՈՒԸԼԻ ՄԷՋ

0 0
Read Time:1 Minute, 0 Second

lowell1

Աւելի քան հարիւր հայորդիներ ներկայ եղան Հայոց Ցեղասպանութեան 101-ամեակին նուիրուած ձեռնարկին, որ տեղի ունեցաւ Ապրիլ 23-ին, Լօուըլի քաղաքապետարանի շէնքի մուտքին:
Ձեռնարկը կը վայելէր հովանաւորութիւնը՝ Մերիմեք Վելիի Հայ Դատի գրասենեակին եւ շրջանի Հայոց Ցեղասպանութեան Կազմակերող Կոմիտէին:
Քաղաքապետ Էտ Քեննետի խօսք առնելով յայտնեց թէ Մէրիմեք Վելիի հայերը տիպար եւ օրինակելի է: lowell2
«Անոնք պահեցին իրենց արմատները եւ շարունակ գործեցին ի նպաստ շրջանի բարգաւաճման: Փա՜ռք այս գաղութին…Պիտի ծածանի հայկական եռագոյնը քաղաքապետարանի շէնքի մուտքին», ըսաւ Էտ Քեննետի: Օրուան հանդիսավարն էր Միւրիըլ Բարսեղեանը, որ իր խօսքին մէջ յայտնեց թէ 101 տարի առաջ պատահեցաւ տեղահանութիւն եւ ցեղասպանութիւն,…«Այսօր միեւնոյն ոճը կը շարունակուի Արցախի մէջ եւ նոյնիսկ մեր մօտ…հակաքարոզչական պաստառներ զետեղելով եւ աղաւաղելով պատմութիւնը», ըսաւ Բարսեղեան:
Նաեւ խօսք առաւ Միտըլսեքսի շէրիֆ՝ Փիթըր Գութուճեան, որ յայտնեց թէ հետեւողական ձեւով պէտք է շարունակել աշխատանքը՝ թրքական եւ ատրպէյճանական քարոզչական մեքենային դէմ:
Քաղաքապետարանի խորհրդատուներէն՝ Ռիթա Մերսիէ, իր կարգին խօսք առնելով յայտնեց իր յուսախաբութիւնը, որ նախագահ Օպամա շարունակ կը մերժէ ընդունիլ թէ պատահածը ցեղասպանութիւն է: «Ժամանակն է այլեւս չծածկելու մութ ծալքերը», եզրակացուց ան:
Խօսք առաւ նաեւ նոր սերունդը, յանձին Լուսիլ Պէրպէրեանի (Հ.Ե.Դ.) եւ Սօֆիա Մանուկեանի (Սուրբ Վարդանանց եկեղեցւոյ Երիտասարդական Մարմին): Երկուքն ալ իրենց խօսքին մէջ յայտնեցին թէ, պիտի շարունակեն պայքարիլ յաչս արդարութեան:
Աւարտին կատարուեցաւ աղօթք եւ պատարագ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles